അരീക്കോട്: ചാലിയാറിലെ വെള്ളത്തിലെ നിറംമാറ്റം സമീപ വാസികളുടെ ആശങ്കക്ക് ഇടയാക്കുന്നു. വാഴക്കാട് കവണക്കല്ലില്‍ വെള്ളം തടഞ്ഞ് നിര്‍ത്തിയത് കാരണം ഒഴുക്ക് നിലച്ചതാണ് നിറംമാറ്റത്തിന് കാരണം. രണ്ടണ്ടാഴ്ചയോളമായി വെള്ളത്തിന് പച്ചനിറമാണ് അനുഭവപെടുന്നതെന്ന് സമീപവാസികള്‍ പറയുന്നു. വെള്ളം നേരാവണ്ണം ഒഴുകാത്തതിനാല്‍ സൂഷ്മ ജല സസ്യങ്ങള്‍ വളരുന്നതാണ് പച്ചനിറത്തിന് കാരണമാകുന്നതെന്ന് വിദഗ്ധര്‍ പറയുന്നു. മാസങ്ങളായി വെള്ളത്തിന് രുചിഭേദം അനുഭവപെടുന്നുണ്ടണ്ട്. നിറ വ്യത്യാസം അനുഭവപെടാന്‍ തുടങ്ങിയിട്ട് രണ്ടണ്ടാഴ്ചയായി. ഇതോടെ സമീപ വാസികള്‍ പുഴയെ ആശ്രയിക്കാതെയായിരിക്കുകയാണ്.
കവണക്കല്ലിലെ ഷട്ടര്‍ ഇടക്കിടെ തുറന്നിട്ടാല്‍ വെള്ളത്തിന്റെ നിറവ്യത്യാസം ഇല്ലാതാക്കാമെങ്കിലും വെള്ളം പൂര്‍ണമായും നഷ്ടമാകുമെന്ന് ഭയന്ന് അധികൃതര്‍ ഇതിന് തയാറാകുന്നില്ല.
ചാലിയാറിലെ എടവണ്ണ പാലം മുതല്‍ കവണക്കല്ല് വരെയാണ് ജലത്തിന് നിറവ്യത്യാസം കാണുന്നത്. സൂര്യപ്രകാശം ഏല്‍ക്കാത്ത ഭാഗത്താണ് കൂടുതലായി വ്യത്യാസം കാണുന്നത്. സമീപ കിണറുകളിലെ വെള്ളത്തിനും നിറവ്യത്യാസം ഉണ്ടണ്ടാകുമോയെന്ന ആശങ്കയുമുണ്ടണ്ട്. ചാലിയാറിന്റെ വിവിധ ഭാഗങ്ങളില്‍ വാട്ടര്‍ ടാങ്ക് സ്ഥാപിച്ച് ജലസേചന വകുപ്പ് വെള്ളം വിതരണം ചെയ്യുന്നുണ്ടണ്ട്. എന്നാല്‍ ജല സേചന വകുപ്പ് ഈ വെള്ളത്തെകുറിച്ച് പരിശോധന നടത്താന്‍ തയാറാകുന്നില്ലെന്ന ആക്ഷേപമാണുയരുന്നത്.