കരുനാഗപ്പള്ളി: ചൂണ്ടിയിടുന്നതിനിടെ കാല്‍വഴുതി കായലില്‍ വീണ് യുവാവ് മരിച്ചു.ആലപ്പാട് ശ്രായിക്കാട് ചന്ദനശ്ശേരില്‍ രവി ഉഷ ദമ്പതികളുടെ മകന്‍ ഉഷാര്‍ എന്ന രഞ്ജിത്ത്(29) വെള്ളിയാഴ്ച രാത്രി 7.30 ന് ദേശീയ ജലപാതയായ റ്റി.എസ്.കനാലില്‍ പറയകടവിന് സമീപത്തായിരുന്നു അപകടം.
കെട്ടിയിട്ടിരുന്ന ബോട്ടിലിരുന്ന് സുഹൃത്തിനൊപ്പം ചൂണ്ടിയിടുകയായിരുന്നു. കായലില്‍ വീണ ഉഷാറിനെ സുഹൃത്ത് രക്ഷപ്പെടുത്താന്‍ ശ്രമിച്ചെങ്കിലും നടന്നില്ല. പിന്നീട് സംഭവ സ്ഥലത്ത് നാട്ടുകാരും പൊലിസും, ഫയര്‍ഫോഴ്‌സും സ്ഥലത്ത് എത്തി തിരച്ചില്‍ നടത്തിയെങ്കിലും മൃതദേഹം കണ്ടെത്താന്‍ കഴിഞ്ഞില്ല. ശനിയാഴ്ച 11 മണിക്ക് വള്ളിക്കാവ് അമൃതാനന്ദമയി മഠത്തിന് സമീപത്താണ് മൃതദേഹം കണ്ടെത്തിയത്. അവിവാഹിതനണ്. സഹോദരിമാര്‍: സിന്ധു, രമ്യ. പോസ്റ്റ്‌മോര്‍ട്ടത്തിന് ശേഷം മൃതദേഹം സംസ്‌ക്കരിച്ചു.