മണ്ണാര്‍ക്കാട്: എസ്.കെ.എസ്.എസ്.എഫ് വിദ്യാഭ്യാസ വിഭാഗമായ ട്രെന്‍ഡിന്റെ ആഭിമുഖ്യത്തില്‍ മണ്ണാര്‍ക്കാട് ഇസ്‌ലാമിക് സെന്ററില്‍ നടത്തിവരുന്ന സ്റ്റുഡന്റസ് മൊബിലൈസേഷന്‍ ഫോര്‍ അക്കാദമിക് റീച്ച് ആന്‍ഡ് തര്‍ബിയ- സ്മാര്‍ട്ട് പദ്ധതിയുടെ രണ്ടാമത് ബാച്ചിന്റെ ഉദ്ഘാടനം എസ്.കെ.എസ്.എസ്.എഫ് സംസ്ഥാന പ്രസിഡന്റ് പാണക്കാട്‌സയ്യിദ് ഹമീദലി ശിഹാബ് തങ്ങള്‍ നിര്‍വഹിച്ചു. രാജ്യത്തെ ഉന്നത സ്ഥാപനങ്ങളില്‍ പഠിക്കുന്നതിനും സിവില്‍ സര്‍വിസ് അനുബന്ധ മേഖലകളില്‍ തൊഴില്‍ നേടുന്നതിനും സാമൂഹിക ധാര്‍മിക അവബോധമുള്ള തലമുറയെ വളര്‍ത്തിയെടുക്കുന്നതിനുള്ള പരിശീലന പദ്ധതിയാണ് സ്മാര്‍ട്ട്. ഉദ്ഘാടനചടങ്ങില്‍ ശാഹുല്‍ ഹമീദ് മാസ്റ്റര്‍ അധ്യക്ഷനായി. ഹബീബ് ഫൈസി കോട്ടോപ്പാടം, സിവില്‍ സര്‍വിസ് റാങ്ക് ജേതാവ് ഷാഹിദ് തിരുവള്ളൂര്‍, ട്രെന്‍ഡ് ഡയറക്ടര്‍ ഡോ. ടി. എ. മജീദ് കൊടക്കാട്, സംസ്ഥാന കണ്‍വീനര്‍ റഷീദ് കൊടിയൂറ, ബഷീര്‍, ഡോ. ശംസീര്‍ അലി, പ്രൊഫ. ശംസാദ്‌സലീം, മുശ്താഖ് ഒറ്റപ്പാലം, ജാസ് അലി ഹാജി, അശ്ക്കര്‍ കരിമ്പ, ശമീര്‍ ഫൈസി, കബീര്‍ അന്‍വരി നാട്ടുകല്‍, ഉബൈദ് ആക്കാടന്‍, ശാഫി മാസ്റ്റര്‍, പ്രൊഫ. സി.പി സൈനു്ദ്ദീന്‍, എസ്.കെ.എസ്.എസ്.എഫ്, ട്രെന്‍ഡ് സംസ്ഥാന-ജില്ലാനേതാക്കള്‍ സംബന്ധിച്ചു