കല്‍പ്പറ്റ: മെയ് രണ്ട്, മൂന്ന് തിയതികളില്‍ വാളാട് ഉമറലി തങ്ങള്‍ നഗറില്‍ നടക്കുന്ന എസ്.വൈ.എസ് ജില്ലാ ദ്വിദിന ക്യാംപ് രജിസ്‌ട്രേഷന്‍ ആരംഭിച്ചു.
ജില്ലാ തല ഉദ്ഘാടനം മടക്കിമലയില്‍ നടന്ന ചടങ്ങില്‍ കല്‍പ്പറ്റ മേഖല ട്രഷറര്‍ എം മുഹമ്മദലിയെ ചേര്‍ത്തി സമസ്ത പ്രസിഡന്റ് ജിഫ്‌രി മുത്തുക്കോയ തങ്ങള്‍ നിര്‍വഹിച്ചു.
വി മൂസക്കോയ മുസ്്‌ലിയാര്‍ അധ്യക്ഷനായി. എം.എം ഇമ്പിച്ചിക്കോയ മുസ്്‌ലിയാര്‍, ആനമങ്ങാട് അബൂബക്കര്‍ മുസ്്‌ലിയാര്‍, എം അബ്ദുറഹ്്മാന്‍ ഹാജി, ഹാരിസ് ബാഖവി കമ്പളക്കാട്, അബ്ദുല്‍ ഖാദര്‍ മടക്കിമല, മുഹമ്മദ് വടകര, സ്വാദിഖ് ഫൈസി എന്നിവര്‍ സംബന്ധിച്ചു. കെ മുഹമ്മദ് കുട്ടി ഹസനി സ്വാഗതവും കെ.എ നാസര്‍ മൗലവി നന്ദിയും പറഞ്ഞു.