കല്‍പ്പറ്റ: വാഹന മോഷണ കേസുകളിലെ പ്രതികളെ വാഹന പരിശോധനക്കിടെ കഞ്ചാവുമായി പൊലിസ് പിടികൂടി. വിവിധ പൊലിസ് സ്റ്റേഷനുകളില്‍ രജിസ്റ്റര്‍ ചെയ്ത കേസുകളിലെ പ്രതികളായ പൊഴുതന സ്വദേശി രാജേഷ്, മേപ്പാടി പുത്തുമല മണ്ണില്‍ വളപ്പില്‍ സാജിത്ത് എന്നിവരെയാണ് മേപ്പാടി എസ്.ഐ കെ.എസ് ജിതേഷിന്റെ നേതൃത്വത്തില്‍ അറസ്റ്റ് ചെയ്തത്. ഇവരില്‍ നിന്നും 300 ഗ്രാം കഞ്ചാവും പിടികൂടി. പുത്തൂര്‍ വയലില്‍ പൊലിസ് വാഹന പരിശോധന നടത്തുന്നതിനിടെയാണ് ബൈക്കില്‍ കഞ്ചാവുമായി സംഘം എത്തിയത്. തുടര്‍ന്ന് നടത്തിയ തിരച്ചിലില്‍ കഞ്ചാവ് ഒളിപ്പിച്ച നിലയില്‍ കണ്ടെത്തി. കോഴിക്കോട്, മലപ്പുറം ജില്ലകളിലെ വിവിധ പൊലിസ് സ്റ്റേഷനുകളില്‍ രജിസ്റ്റര്‍ ചെയ്ത മോഷണ കേസുകളിലെ പ്രതികളാണ് രാജേഷും സാജിത്തും എന്ന് പൊലിസ് അറിയിച്ചു. പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു. വാഹനമോഷണ കേസുകളാണ് അധികവും. സീനിയര്‍ സിവില്‍ പോലീസ് ഓഫീസര്‍ നെല്‍സണ്‍, സിവില്‍ പോലീസ് ഓഫീസര്‍ മാരായ കലാജിത്ത്, നെല്‍സണ്‍ എന്നിവര്‍ അടങ്ങിയ പൊലിസ് സംഘമാണ് ഇവരെ പിടികൂടിയത്.
കല്‍പ്പറ്റ: വാഹന മോഷണ കേസുകളിലെ പ്രതികളെ വാഹന പരിശോധനക്കിടെ കഞ്ചാവുമായി പൊലിസ് പിടികൂടി. വിവിധ പൊലിസ് സ്റ്റേഷനുകളില്‍ രജിസ്റ്റര്‍ ചെയ്ത കേസുകളിലെ പ്രതികളായ പൊഴുതന സ്വദേശി രാജേഷ്, മേപ്പാടി പുത്തുമല മണ്ണില്‍ വളപ്പില്‍ സാജിത്ത് എന്നിവരെയാണ് മേപ്പാടി എസ്.ഐ കെ.എസ് ജിതേഷിന്റെ നേതൃത്വത്തില്‍ അറസ്റ്റ് ചെയ്തത്. ഇവരില്‍ നിന്നും 300 ഗ്രാം കഞ്ചാവും പിടികൂടി. പുത്തൂര്‍ വയലില്‍ പൊലിസ് വാഹന പരിശോധന നടത്തുന്നതിനിടെയാണ് ബൈക്കില്‍ കഞ്ചാവുമായി സംഘം എത്തിയത്. തുടര്‍ന്ന് നടത്തിയ തിരച്ചിലില്‍ കഞ്ചാവ് ഒളിപ്പിച്ച നിലയില്‍ കണ്ടെത്തി. കോഴിക്കോട്, മലപ്പുറം ജില്ലകളിലെ വിവിധ പൊലിസ് സ്റ്റേഷനുകളില്‍ രജിസ്റ്റര്‍ ചെയ്ത മോഷണ കേസുകളിലെ പ്രതികളാണ് രാജേഷും സാജിത്തും എന്ന് പൊലിസ് അറിയിച്ചു. പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു. വാഹനമോഷണ കേസുകളാണ് അധികവും. സീനിയര്‍ സിവില്‍ പോലീസ് ഓഫീസര്‍ നെല്‍സണ്‍, സിവില്‍ പോലീസ് ഓഫീസര്‍ മാരായ കലാജിത്ത്, നെല്‍സണ്‍ എന്നിവര്‍ അടങ്ങിയ പൊലിസ് സംഘമാണ് ഇവരെ പിടികൂടിയത്.