പടിഞ്ഞാറത്തറ: കാര്‍ഷിക വികസന കര്‍ഷക ക്ഷേമ വകുപ്പിന്റെ പച്ചക്കറി വികസന പദ്ധതിയില്‍ ഉള്‍പ്പെടുത്തി പടിഞ്ഞാറത്തറ ഗ്രാമ പഞ്ചായത്ത് കൃഷി ഭവന്‍ മുഖേന ഹരിത എ ഗ്രേഡ് പച്ചക്കറി ക്ലസ്റ്ററിന്റെ നേതൃത്വത്തില്‍ ആരംഭിച്ച തനിമ പഴം പച്ചക്കറി മുല്യവര്‍ധിത ഉല്‍പ്പന്ന നിര്‍മാണ യൂനിറ്റ് സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്തു.
ഗ്രാമ പഞ്ചായത്ത് പ്രസിഡന്റ് അധ്യക്ഷനായി. കല്‍പ്പറ്റ കൃഷി അസി.ഡയറക്ടര്‍ വി.ടി സുലോചന, കല്‍പ്പറ്റ ബ്ലോക്ക് പഞ്ചായത്ത് പ്രസിഡന്റ് ശകുന്തള ശണ്‍മുഖന്‍, ജില്ലാ പഞ്ചായത്തംഗം കെ.ബി നസീമ, ബ്ലോക്ക് പഞ്ചായത്തംഗം ഈന്തന്‍ ആലി, പടിഞ്ഞാറത്തറ ഗ്രാമ പഞ്ചായത്ത് കൃഷി ഓഫിസര്‍ വി സായുജ്, ഗ്രാമ പഞ്ചായത്ത് മെമ്പര്‍മാര്‍, കൃഷി വകുപ്പ് ഉദ്യോഗസ്ഥര്‍ പങ്കെടുത്തു.