രാജപുരം: വിഷുവിന് കണിയൊരുക്കാന്‍ ഡല്‍ഹിയില്‍ നിന്നുള്ള സിന്തെറ്റിക്ക് കണിക്കൊന്നകള്‍ വിപണിയിലിറങ്ങി. കണിക്കൊന്നയെ പോലും വെല്ലുന്ന തരത്തിലാണ് പരിസ്ഥിതി സൗഹൃദ കണിക്കൊന്ന നിര്‍മ്മിച്ചിരിക്കുന്നത്.

പടക്കമുള്‍പ്പെടെയുള്ള സാധനങ്ങള്‍ ചൈനീസ് വിപണി കീഴടക്കിയപ്പോഴാണ് ഡല്‍ഹിയില്‍ നിന്നുള്ള കണിക്കൊന്നകള്‍ വിപണിയിലേക്ക് വ്യാപകമായെത്തിയത്. മൂന്ന് ചില്ലകളടങ്ങിയ കൊന്നയ്ക്ക് 75 രൂപയാണ് വില. വില അല്‍പ്പം കൂടുതലാണെങ്കിലും വിഷു കഴിഞ്ഞാലും അലങ്കാരമായി ഉപയോഗിക്കാമെന്നതിനാല്‍ ഇവയ്ക്ക് ആവശ്യക്കാറേറെയുണ്ടെന്ന് കച്ചവടക്കാര്‍ പറയുന്നു