പാലക്കാട്: യൂത്ത് കോണ്‍ഗ്രസ് പാലക്കാട് പാര്‍ലമെന്റ് മണ്ഡലം പ്രസിഡന്റായി ടി. എച്ച്. ഫിറോസ് ബാബുവിനെ തെരഞ്ഞെടുത്തു. നിലവിലെ പ്രസിഡന്റും പാലക്കാട് എം. എല്‍. എയുമായ ഷാഫി പറമ്പിലിനെ യൂത്ത് കോണ്‍ഗ്രസിന്റെ ദേശിയ ജനറല്‍ സെക്രട്ടറിയായി നിയോഗിച്ച ഒഴിവിലേക്കാണ് ഫിറോസ് ബാബുവിനെ നിയമിച്ചത്.
2000ത്തില്‍ ഷൊര്‍ണൂര്‍ കെ. വി. ആര്‍. സ്‌കൂള്‍ കെ. എസ.് യു. യൂനിറ്റ് പ്രസിഡന്റായി തുടങ്ങിയ രാഷ്ട്രീയ പ്രവര്‍ത്തനം 2005 മുതല്‍ 2009 വരെ കെ. എസ.് യു. പാലക്കാട് ജില്ലാ വൈസ് പ്രസിഡന്റുമായും 2013 മുതല്‍ യൂത്ത് കോണ്‍ഗ്രസ് പാര്‍ലമെന്റ് വൈസ് പ്രസിഡന്റായും പ്രവര്‍ത്തിച്ചു വരികയാണ്.
ഷൊര്‍ണൂര്‍ സ്വദേശിയായ ടി. എച്ച്. ഫിറോസ് ബാബു ഷൊര്‍ണൂര്‍ നഗരസഭാ മുന്‍ സ്റ്റാന്റിങ് കമ്മിറ്റി ചെയര്‍മാന്‍ ടി. കെ .ഹമീദിന്റെയും നബീസക്കുട്ടിയുടെയും മകനാണ്.
ഭാര്യ: കെ .വി. ഷെമിന.ഒറ്റപ്പാലം എന്‍. എസ.് എസ.് കോളജില്‍ നിന്ന് ബി.എ. ബിരുദം ലഭിച്ച ബാബു 2015ലെ മികച്ച യുവ സാമൂഹിക പ്രവര്‍ത്തകനുള്ള കേന്ദ്ര ഗവണ്‍മെന്റ് ഏര്‍പ്പെടുത്തിയ ദേശിയ യുവജന പുരസ്‌കാരത്തിനും അര്‍ഹനായിട്ടുണ്ട്.
2014-15 വര്‍ഷത്തെ നെഹ്‌റു യുവകേന്ദ്രയുടെയും സംസ്ഥാന യുവജനക്ഷേമ ബോര്‍ഡിന്റെയും സംസ്ഥാന അവാര്‍ഡ് കരസ്ഥമാക്കിയ കമ്പാനിയന്‍സ് ക്ലബ്ബിന്റെ പ്രസിഡന്റ് കൂടിയാണ് .