തൃശൂര്‍: ദി മ്യൂസിക് ക്ലബ് തൃശൂരും മാസ്മര ഗ്രൂപ്പും സംയുക്തമായി സംഘടിപ്പിക്കുന്ന മാസ്മര സംഗീതം വസന്തരാഗം സംഗീത സായാഹ്നം 15 ന് വൈകീട്ട് 5.30 ന് തൃശൂര്‍ റീജിയണല്‍ തീയേറ്ററില്‍ നടക്കുമെന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു. സംവിധായകന്‍ സത്യന്‍ അന്തിക്കാട് ഉദ്ഘാടനം ചെയ്യും. തൃശൂര്‍ ഓട്ടിസം സൊസൈറ്റിക്കുള്ള ധനസഹായ വിതരണവും അദ്ദേഹം നിര്‍വഹിക്കും. സംഗീത രംഗത്തെ ശ്രീകുമാര്‍ വാര്യര്‍, നിരന്‍ജോയ്, പോളി, റീന മുരളി എന്നിവരെ ആദരിക്കും. വാര്‍ത്താ സമ്മേളനത്തില്‍ പ്രസിഡന്റ് ഡോ. നാരായണന്‍ പിഷാരടി, സെക്രട്ടറി മധു ആനലൂര്‍, ജോയിന്റ് സെക്രട്ടറി രാജേഷ് രാജഗോപാല്‍ എന്നിവര്‍ പങ്കെടുത്തു.