കായംകുളം: പ്രയാര്‍ കിണര്‍മുക്കില്‍ പഞ്ചായത്ത് സെക്രട്ടറി ഉള്‍പ്പടെ രണ്ട് പേര്‍ക്ക് വെട്ടേറ്റ സംഭവത്തില്‍ പോലീസ് അന്വേഷണം ഊര്‍ജിതമാക്കി.പാലക്കാട് പഞ്ചായത്ത് സെക്രട്ടറി കായംകുളം പുതുപ്പള്ളി പ്രയാര്‍ സ്വദേശി സിറോഷ് (45 )ഷിന്റ്റോ(30 )എന്നിവര്‍ക്കാണ് വെട്ടേറ്റത.് ചൊവ്വാഴ്ച രാത്രി പത്തോടെയായിരുന്നു സംഭവം.കാറിലെത്തിയ ആറ് അംഗസംഘമാണ് ഇവരെ ആക്രമിച്ചത്.വെട്ടേറ്റ സിറോഷിനെ എറണാകുളത്തെ സ്വകാര്യ ആശുപത്രിയിലും  ഷിന്റ്റോയെ കായംകുളം താലൂക്കാശുപത്രിയിലും പ്രവേശിപ്പിച്ചിരിക്കുകയാണ്.ഷിന്‍ന്റോ നേരത്തെ ആര്‍ എസ് എസ് പ്രവര്‍ത്തകനായിരുന്നു ഇപ്പോള്‍ സി പി എമ്മിന്റെ അനുഭാവിയായി പ്രവര്‍ത്തിച്ചു വരികയാണ്.പ്രതികളെ കുറിച്ച് ചില സൂചനകള്‍ ലഭിച്ചിട്ടുണ്ടെന്നും അന്വേഷണം ഊര്‍ജ്ജിതമാക്കിയെന്നും കായംകുളം സി ഐ കെ സദന്‍ പറഞ്ഞു.
എറണാകുളത്തെ സ്വകാര്യ ആശുപത്രിയിലേക്കു മാറ്റി. അക്രമികളെ കുറിച്ച് പോലീസിന് സൂചന ലഭിച്ചു.