കോഴിക്കോട്: ചൈനയിലെ വൈഫാങ് നഗരത്തില്‍ നടക്കുന്ന ലോക പട്ടം പറത്തല്‍ മത്സരത്തിനുള്ള ഇന്ത്യന്‍ ടീമിനെ തെരഞ്ഞെടുത്തു. മുബഷീര്‍ കുണ്ടാനത്ത് ക്യാപ്റ്റനായുള്ള ആറംഗ ടീമിനെയാണ് തെരഞ്ഞെടുത്തത്. അബ്ദുള്ള മാളിയേക്കല്‍, നിതേഷ് ലാകും, മുഹമ്മദ് മൂസ, ധ്വനി ലാകും, വിക്കി വകാരിയ തുടങ്ങിയവരാണ് ടീം അംഗങ്ങള്‍. 110 രാജ്യങ്ങളില്‍ നിന്നുള്ള ടീമുകള്‍ മത്സരത്തില്‍ പങ്കെടുക്കുമെന്ന് സെലക്ഷന്‍ കമ്മിറ്റി ചെയര്‍മാന്‍ അഡ്വ. ശ്യാം പത്മന്‍ പറഞ്ഞു.
2.38ലക്ഷം രൂപ ചിലവിട്ട് നിര്‍മിച്ച ഭീമന്‍ കടുവയുടെ രൂപത്തിലുള്ള പട്ടമാണ് ഇന്ത്യന്‍ ടീം മത്സരത്തില്‍ ഉപയോഗിക്കുക. ഏപ്രില്‍ 15 മുതല്‍ 29 വരെയാണ് മത്സരം നടക്കുക.