ലണ്ടന്‍: മലേറിയയ്ക്കുള്ള ഹൈഡ്രോക്ലോറോക്വിന്‍ മരുന്ന് കൊവിഡ് പ്രതിരോധത്തിന് നല്ലതാണെന്ന് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് തുടരെത്തുടരെ പറയുന്ന സാഹചര്യത്തില്‍ ഇക്കാര്യം പഠിക്കാനൊരുങ്ങി ബ്രിട്ടന്‍.
ബ്രിട്ടനിലെ ഓക്‌സ്‌ഫോഡിന്റെ നേതൃത്വത്തിലുള്ള സമിതിയാണ് ഇക്കാര്യത്തില്‍ നിഗമനത്തിലെത്തുന്നതിന് മരുന്ന് പരീക്ഷിക്കാനൊരുങ്ങുന്നത്. യൂറോപ്പ്, ആഫ്രിക്ക, ഏഷ്യ, സൗത്ത് അമേരിക്ക എന്നീ മേഖലകളിലെ നാല്‍പതിനായിരത്തോളം ആരോഗ്യപ്രവര്‍ത്തകരെ ബന്ധപ്പെട്ടാണ് പഠനം നടത്തുക.കൊവിഡ് രോഗപ്രതിരോധത്തിനായി മലേറിയയ്ക്കുള്ള ഹൈഡ്രോക്‌സിക്ലോറോക്വിന്‍ ഫലപ്രദമാണെന്ന് ട്രംപ് പലതവണ വ്യക്തമാക്കിയിരുന്നു. താന്‍ ഇത് ദിവസവും കഴിക്കാറുള്ളതായും അദ്ദേഹം പറഞ്ഞിരുന്നു. എന്നാല്‍, ഈ മരുന്ന് പാര്‍ശ്വഫലമുണ്ടാക്കുമെന്നാണ് ആരോഗ്യവിദഗ്ധര്‍ മുന്നറിയിപ്പ് നല്‍കുന്നത്.