കൊട്ടാരക്കര: കുളക്കട പഞ്ചായത്തില്‍ സി.പി.ഐയുടെ കൊടിമരങ്ങളും സ്മൃതി മണ്ഡപവും സാമൂഹ്യ വിരുദ്ധര്‍ തകര്‍ത്തു. ശനിയാഴ്ച രാത്രിയാണ് സംഭവം. പൂവറ്റൂര്‍, തച്ചന്‍മുക്ക്, മൈലംകുളം, ആറ്റുവാശ്ശേരി ഭാഗങ്ങളിലെ കൊടിമരങ്ങളാണ് നശിപ്പിച്ചത്. ആറ്റുവാശ്ശേരിയിലെ ജയപ്രകാശ് സ്മാരക മണ്ഡപം തകര്‍ക്കാനുള്ള ശ്രമവും നടന്നിട്ടുണ്ട്. മുന്‍പും ഇവിടെ ആക്രമണം നടന്നിട്ടുണ്ട്. സംഭവത്തില്‍ സി.പി.ഐ, എ.ഐ.വൈ.എഫ് പ്രതിഷേധിക്കുകയും പ്രകടനം നടത്തുകയും ചെയ്തു. പുത്തൂര്‍ പൊലിസ് കേസെടുത്തു.