താളൂര്‍: അമേരിക്കയിലെ നോര്‍ത്ത് കരോലിന യൂനിവേഴ്‌സിറ്റിയില്‍ നിന്നുള്ള 12 അംഗ അധ്യാപകരും ഗവേഷണ വിദ്യാര്‍ഥികളും നീലഗിരി കോളജ് ഓഫ് ആര്‍ട്‌സ് ആന്‍ഡ് സയന്‍സ് സന്ദര്‍ശിച്ചു.
അമേരിക്കയിലെയും ഇന്ത്യയിലെയും പഠന രീതികളെയും സമ്പ്രദായങ്ങളെയും കുറിച്ച് താരതമ്യ പഠനം നടത്തുന്നതിന്റെ ഭാഗമായാണ് സന്ദര്‍ശനം. ഇന്ത്യയിലെ വിവിധ സര്‍വകലാശാലകളിലും കോളജുകളിലും സംഘം സന്ദര്‍ശനം നടത്തുന്നുണ്ട്. നോര്‍ത്ത് കരോലിന യൂനിവേഴ്‌സിറ്റി പ്രൊഫസര്‍മാരായ ഡോ. ഫോറന്‍സ് മാര്‍ട്ടിനും ഡോ. ഷുആങ്ങ് വാനും നയിക്കുന്ന സംഘം കോളജിലെ അധ്യാപകരും വിദ്യാര്‍ഥികളുമായി സംവദിച്ചു.
ക്ലാസുകളും വിലയിരുത്തി.
നീലഗിരി കോളജ് സെക്രട്ടറിയും മാനേജിങ് ട്രസ്റ്റിയുമായ റാഷിദ് ഗസ്സാലി, അക്കാദമിക് ഡീന്‍ പ്രൊഫ. ടി. മോഹന്‍ ബാബു, പ്രിന്‍സിപ്പല്‍ ഡോ. എം. ദുരൈ, അക്കാദമിക് കോഡിനേറ്റര്‍ അന്‍വര്‍ സാദിഖ് ഗസ്സാലി, വിവിധ വകുപ്പ് മേധാവികളായ രഞ്ജിത്, സൗമ്യ, ധന്യ സി. മത്തായ്, പി.ആര്‍.ഒ പി.എം ഉമ്മര്‍ തുടങ്ങിയവരുടെ നേതൃത്വത്തില്‍ സംഘത്തെ വരവേറ്റു.