കുവൈത്ത് സിറ്റി: കുവൈത്ത് ആഭ്യന്തര മന്ത്രാലയത്തിന്റെ കറക്ഷണല്‍ ഇന്‍സ്റ്റിറ്റൂഷന്‍സ് സെക്ടര്‍ 2025 മെയ്, ജൂണ്‍ മാസങ്ങളില്‍ നാടുകടത്തിയത് 6,300 പ്രവാസികളെയെന്ന് റിപ്പോര്‍ട്ട്. റെസിഡന്‍സി, തൊഴില്‍ നിയമലംഘനങ്ങള്‍ നടത്തിയവരെ അവരുടെ മാതൃരാജ്യങ്ങളിലേക്ക് വേഗത്തില്‍ നാടുകടത്താനുള്ള ശ്രമങ്ങളുടെ ഭാഗമായാണ് നടപടി. ചിലര്‍ ജുഡീഷ്യല്‍ വിധികള്‍ക്ക് വിധേയരായവരാണ്. നാടുകടത്തല്‍ നടപടികള്‍ വേഗവത്കരിക്കുന്നതിനും മാനുഷിക പിന്തുണ ഉറപ്പാക്കുന്നതിനും മന്ത്രാലയം പ്രതിജ്ഞാബദ്ധമാണെന്ന് അധികൃതര്‍ അറിയിച്ചു. രാജ്യവ്യാപകമായ സുരക്ഷാ കാമ്പയ്‌നുകളില്‍ അനധികൃത തൊഴിലാളികള്‍ ഉള്‍പ്പെടെ നിയമലംഘകരെ അറസ്റ്റ് ചെയ്യുന്നുണ്ട്.

ALSO READ: വിസ നയങ്ങളിൽ അയവ് വരുത്തി ചൈന, 74 രാജ്യക്കാർക്ക് വിസയില്ലാതെ 30 ദിവസം വരെ താമസിക്കാം, ലിസ്റ്റിൽ എല്ലാ ഗൾഫ് രാജ്യങ്ങളും; ഇന്ത്യ ഇല്ല | Full List

2025 ഏപ്രില്‍ 22 മുതല്‍ രാജ്യത്ത് നടപ്പാക്കിയ പുതിയ ട്രാഫിക് നിയമം റോഡ് സുരക്ഷയില്‍ വലിയ മാറ്റങ്ങള്‍ വരുത്തിയെന്ന് അധികൃതര്‍ അറിയിച്ചു. കബാദ്, വജ്ര, അബ്ദല്ലി, സുബിയ തുടങ്ങിയ പ്രദേശങ്ങളില്‍ നടന്നിരുന്ന അശ്രദ്ധമായ ഡ്രൈവിംഗും രാത്രികാല കാര്‍ റേസുകളും ഇപ്പോള്‍ ഗണ്യമായി കുറഞ്ഞിട്ടുണ്ട്. കര്‍ശനമായ പിഴകള്‍, ശിക്ഷകള്‍ എന്നിവ ഡ്രൈവിംഗ് സ്വഭാവത്തെ മാറ്റിമറിച്ചതായാണ് വിവരം.

ALSO READ: ഗാര്‍ഹിക തൊഴിലാളികള്‍ക്ക് എക്‌സിറ്റ് പെര്‍മിറ്റ് നിയമം ബാധകമല്ലെന്ന് കുവൈത്ത് മാന്‍പവര്‍ അതോറിറ്റി

നിയമലംഘനങ്ങള്‍ക്ക് 150 മുതല്‍ 2,000 കുവൈത്ത് ദീനാര്‍ വരെ പിഴയും, ഗുരുതര കേസുകളില്‍ ഒന്ന് മുതല്‍ മൂന്ന് വര്‍ഷം വരെ തടവും ലഭിക്കും. 2025 മെയ് മാസത്തില്‍ ട്രാഫിക് നിയമലംഘനങ്ങള്‍ 83 ശതമാനം കുറഞ്ഞ് 28,464 ആയിരുന്നു. 2024 മെയ് മാസത്തില്‍ ഇത് 168,208 ആയിരുന്നു. സീറ്റ് ബെല്‍റ്റ്, മൊബൈല്‍ ഫോണ്‍ ഉപയോഗവുമായി ബന്ധപ്പെട്ട ലംഘനങ്ങള്‍ എന്നിവ 75 ശതമാനം കുറഞ്ഞതായി കണക്കുകള്‍ വ്യക്തമാക്കുന്നു.

In a major enforcement drive, Kuwait has deported over 6,300 expatriates within two months for various violations. Authorities continue strict measures to regulate the labor market and residency laws.