ബെം​ഗളൂരു: കർണാടകയിലെ ചിക്ബല്ലാപുരയിൽ പതിനെട്ടുകാരിക്കെതിരെ ആസിഡ് ആക്രമണം നടത്തിയ ശേഷം പ്രതി സ്വയം തീ കൊളുത്തി ആത്മഹത്യയ്ക്ക് ശ്രമിച്ചു. ചൊവ്വാഴ്ച വൈകീട്ടോടെയായിരുന്നു സംഭവം. വിവാഹാഭ്യർത്ഥന നിരസിച്ചതാണ് ആസിഡ് ആക്രമണത്തിന് കാരണം. പെൺകുട്ടിക്ക് നേരെ ആസിഡ് എറിഞ്ഞ പ്രതി പിന്നാലെ സ്വയം തീ കൊളുത്തി ആത്മഹത്യയ്ക്ക് ശ്രമിച്ചു. പെൺകുട്ടിയുടെ പൊള്ളൽ ​ഗുരുതരമല്ല, അതേസമയം പ്രതി ആനന്ദ്കുമാറിന്റെ (22) നില ​ഗുരുതമാണ്. 

ALSO READ: 2022ലെ യുപി നിയമസഭാ തെരഞ്ഞെടുപ്പില്‍ ബിജെപി കൃത്രിമം കാണിച്ചെന്ന് അഖിലേഷ് യാദവ്; 18,000 വോട്ടര്‍മാരുടെ പേരുകളാണ് വോട്ടര്‍പട്ടികയില്‍ നിന്ന് നീക്കം ചെയ്തത്

പ്രതി പതിനെട്ടുകാരിയായ പെൺകുട്ടിയോട് വിവാഹഭ്യാർത്ഥന നടത്തിയെങ്കിലും, പെൺകുട്ടി ഇത് നിരസിച്ചു. ഈ വൈരാ​ഗ്യമാണ് പെൺകുട്ടിക്കെതിരെ ആസിഡ് ആക്രമമം നടത്തുന്നതിലേക്ക് നയിച്ചത്. ചൊവ്വാഴ്ച വൈകീട്ട് പെൺകുട്ടിയുടെ വീട്ടിലെത്തിയായിരുന്നു പ്രതി ആക്രമണം നടത്തിയത്. പെൺകുട്ടിയുടെ കണ്ണിലടക്കം പരുക്കുണ്ടെങ്കിലും, ഇത് സാരമുള്ളതല്ല എന്നാണ് വിവരങ്ങൾ. 

അതേസമയം, സ്വയം ഡീസലൊഴിച്ച് തീകൊളുത്തി ആത്മഹത്യ ചെയ്യാൻ ശ്രമിച്ച പ്രതിക്ക് ​ഗുരുതരമായി പൊള്ളലേറ്റു. ഇയാൾക്ക് 70 ശതമാനത്തോളം പൊള്ളലേറ്റിട്ടുണ്ടെന്നാണ് വിവരങ്ങൾ. സംഭവത്തിൽ കേസെടുത്ത ചിക്ബല്ലാപുര പൊലിസ് അന്വേഷണം ആരംഭിച്ചിട്ടുണ്ട്. 

A disturbing incident unfolded in Chikkaballapur, Karnataka, where a 22-year-old man threw acid on an 18-year-old girl after she rejected his marriage proposal. Following the attack, the accused, Anand Kumar, attempted to immolate himself. Fortunately, the girl's injuries are reported to be non-life-threatening, while Kumar's condition is critical ¹.