ദോഹ: ഖത്തര്‍ ലോകകപ്പില്‍ ടീമുകളുടെ എണ്ണം വര്‍ധിപ്പിക്കാനുള്ള ശ്രമവുമായി ഫിഫ. ടീമുകളുടെ എണ്ണം 32ല്‍ നിന്ന് 48 ആക്കാനുള്ള ശ്രമമാണ് ഫിഫ നടത്തുന്നത്. ലോകകപ്പിന് ആതിഥേയത്വം വഹിക്കാന്‍ മറ്റൊരു ഗള്‍ഫ് രാജ്യം കൂടെ തയ്യാറായാല്‍ 48 രാജ്യങ്ങള്‍ പങ്കെടുക്കുന്ന ലോകകപ്പ് ഖത്തറില്‍ ഉ@ണ്ടാവുമെന്നും ഫിഫ പ്രസിഡന്റണ്ട് ജിയോവാനി ഇന്ഫന്റിനോ പറഞ്ഞു. ലാറ്റിനമേരിക്കന്‍ ഫുട്‌ബോള്‍ അസോസിയേഷനുകളുടെ അപേക്ഷ പരിഗണിച്ചാണ് ഈ തീരുമാനം കൈക്കൊണ്ട@തെന്നും അദ്ദേഹം കൂട്ടിച്ചേര്‍ത്തു. 2026ല്‍ നടക്കുന്ന ലോകകപ്പിന് നേരത്തെ തന്നെ ഫിഫ പങ്കെടുക്കുന്ന ടീമുകളുടെ എണ്ണം 32ല്‍ നിന്ന് 48 ആക്കി ഉയര്‍ത്താന്‍ തീരുമാനം എടുത്തിരുന്നു. ഖത്തറില്‍ ഫിഫ 48 ടീമുകളെ വെച്ചുള്ള ലോകകപ്പ് ആണ് നടത്തുന്നതെങ്കില്‍ ഏഷ്യയില്‍ നിന്ന് ഇരട്ടി ടീമുകള്‍ക്ക് പങ്കെടുക്കാനുള്ള അവസരം അതുവഴി ലഭ്യമാകും. ഇതുവരെ 4 ടീമുകള്‍ നേരിട്ടും ഒരു ടീം പ്ലേ ഓഫ് വഴിയുമാണ് ഏഷ്യയില്‍ നിന്ന് യോഗ്യത കരസ്ഥമാക്കിയിരുന്നത്. 48 ടീമുകള്‍ ആണെങ്കില്‍ ഏഷ്യയില്‍ നിന്ന് 8 ടീമുകള്‍ക്ക് നേരിട്ട് യോഗ്യത ലഭിക്കും. ഗള്‍ഫ് മേഖലയില്‍ ഖത്തറും മറ്റു അറബ് രാഷ്ട്രങ്ങളും തമ്മില്‍ നിലവിലുള്ള പ്രശ്‌നങ്ങള്‍ ഫുട്‌ബോളിനെ ബാധിക്കുന്നതല്ല എന്ന് ഊന്നി പറയുകയും ചെയ്തു ഫിഫ പ്രസിഡന്റ്. ഈ വിശയത്തില്‍ അറബ് രാഷ്ട്രങ്ങള്‍ കൂട്ടായൊരു നിലപാടെടുത്താല്‍ ഖത്തര്‍ ലോകകപ്പില്‍ ടീമിനെ വര്‍ധിപ്പിക്കുന്ന കാര്യത്തിന് സാധ്യതയേറും.