ഏറ്റുമാനൂര്‍: മഹാദേവ ക്ഷേത്രത്തിലെ ഉത്സവത്തോടനുബന്ധിച്ച് ആറാട്ട് വീഥിയില്‍ മികച്ച സ്വീകരണമൊരുക്കിയ കരക്കാര്‍ക്കുള്ള പുരസ്‌കാരങ്ങള്‍ ഇന്ന് വിതരണം ചെയ്യും.
14 ന് രാവിലെ 10.30 മണിക്ക് ദേവസ്വം അസി.കമ്മിഷണര്‍ ഇ.പി.ഗോപീകൃഷ്ണന്റെ അധ്യക്ഷതയില്‍ വ്യാപാരി വ്യവസായി ക്ഷേമനിധി ബോര്‍ഡ് വൈസ് ചെയര്‍മാന്‍ ഇ.എസ്.ബിജു യോഗം ഉദ്ഘാടനം ചെയ്യും.
 ദേവസ്വം അഡ്മിനിസ്‌ട്രേറ്റീവ് ഓഫിസര്‍ കെ.ഗോപാലകൃഷ്ണന്‍ പുരസ്‌കാരങ്ങള്‍ വിതരണം ചെയ്യും.
പേരൂര്‍ പള്ളിക്കൂടം കവലയിലെ ആറാട്ട് വരവേല്‍പ്പ് സമിതിയും കണ്ടംചിറയിലെ ഗംഗാധര സമിതിയുമാണ് പുരസ്‌കാരങ്ങള്‍ക്കര്‍ഹരായവവര്‍. മഠത്തില്‍ പാച്ചുനായര്‍ ട്രസ്റ്റ് ചെയര്‍മാന്‍ ടി.പി.രാജുവും കെ.എസ്.ഷാജിയുമാണ് പുരസ്‌കാരങ്ങള്‍ സ്‌പോണ്‍സര്‍ ചെയ്തിരിക്കുന്നത്.