പാലക്കാട്: കൊവിഡ് പശ്ചാത്തലത്തില്‍ കര്‍മനിരതരായി വാളയാര്‍ അതിര്‍ത്തിയിലും പരിസര പ്രദേശങ്ങളിലും സേവനം ചെയ്യുന്ന പൊലിസുകാര്‍ക്കും ആരോഗ്യ പ്രവര്‍ത്തകര്‍ക്കും പെരുന്നാള്‍ വിരുന്നൊരുക്കി എസ്.കെ.എസ്.എസ്.എഫ്. ചിറ്റൂര്‍, ആലത്തൂര്‍, നെന്മാറ, പാലക്കാട്, കുഴല്‍മന്ദം മേഖല കമ്മിറ്റിക്കളുടെ സംയുക്താഭിമുഖ്യത്തിലാണ് പെരുന്നാള്‍ ഭക്ഷണം നല്‍കിയത്. എസ്.കെ.എസ്.എസ്.എഫ് ജില്ലാ ജനറല്‍ സെക്രട്ടറി അഷ്‌കറലി മാസ്റ്റര്‍ കരിമ്പ ഉദ്ഘാടനം ചെയ്തു. ജില്ല വര്‍കിങ് സെക്രട്ടറി സജീര്‍ പേഴുംകര, സംസ്ഥാന കൗണ്‍സിലര്‍ ഇസ്മാഈല്‍ ദാരിമി ആലത്തൂര്‍, കോഡിനേറ്റര്‍മാരായ ഉമറലി വാഫി വാളയാര്‍, നസീര്‍ കയറാടി, പാലക്കാട് മേഖല സെക്രട്ടറി ദാനിഷ് പുതുപ്പള്ളി തെരുവ്, ശാഖ ട്രഷറര്‍ സഫീര്‍ വാളയാര്‍, വിഖായ പ്രവര്‍ത്തകരായ അഫ്‌സല്‍ മേപ്പറമ്പ്, അജാസ് പൊട്ടിമട സംബന്ധിച്ചു.
ലോക്ക് ഡൗണ്‍ തുടങ്ങിയ ദിവസം മുതല്‍ വാളയാര്‍ അതിര്‍ത്തിയില്‍ കുടിവെള്ള വിതരണം നടത്തി വരുന്നുണ്ട്. പാലക്കാട് ജില്ലയുടെ കിഴക്കന്‍ മേഖലയില്‍ ഈ കമ്മിറ്റികളുടെ നേതൃത്വത്തില്‍ ലോക്ക് ഡൗണ്‍ സമയത്ത് 500 റോളം കുടുംബങ്ങള്‍ക്ക് പലചരക്ക്, പച്ചക്കറി കിറ്റുകള്‍ വിതരണം നടത്തിയിട്ടുണ്ട്. വിവിധ ഭാഗങ്ങളിലായി സംഘടിപ്പിച്ച പരിപാടിയില്‍ ശിഹാബുദ്ദീന്‍ അന്‍വരി തോണിപാടം, സത്താര്‍ ഫൈസി കൊല്ലംകോട്, ബശീര്‍ മുസ്‌ലിയാര്‍ മാട്ടുമല, ജാഫര്‍ പേഴുംകര, അലി നെന്മാറ, അബ്ദുല്‍ ഹഖ് റഹീമി നല്ലെപ്പിള്ളി, സലീം അന്‍വരി കയറാടി, സുബൈര്‍ ഫൈസി ഒലിപാറ, ശിഹാബ് പറയംകോട്, ജംശീര്‍ പള്ളിക്കുളം, സാദിഖ് മാത്തൂര്‍, അലി പുള്ളി നെല്ലി, ശമീര്‍ തോലന്നൂര്‍, ആശിഖ് മേപ്പറമ്പ്, ശക്കീല്‍ പുതുപ്പള്ളി തെരുവ് എന്നിവര്‍ നേതൃത്വം നല്‍കി.