കൊല്ലം: ബി.ജെ.പിയുമായി അവിശുദ്ധ ബന്ധമുണ്ടെന്ന സി.പി.എം ആരോപണങ്ങള്‍ക്ക് മറുപടിയുമായി കൊല്ലത്തെ യു.ഡി.എഫ് സ്ഥാനാര്‍ഥി എന്‍.കെ പ്രേമചന്ദ്രന്‍.
ബി.ജെ.പിയിലേക്ക് പോകുമെന്നല്ല, മോദി മന്ത്രിസഭയില്‍ അംഗമാകുമെന്നാണ് ഇടതുമുന്നണി ആരോപിക്കുന്നത്.

എന്നാല്‍ മോദി വീണ്ടും അധികാരത്തില്‍ വരുമെന്ന് വിശ്വസിക്കുന്ന ഏക പാര്‍ട്ടി കേരളത്തിലെ സി.പി.എം മാത്രമാണ്. ലോക്‌സഭയില്‍ അവതരിപ്പിച്ച 31 നിരാകണ പ്രമേയങ്ങളില്‍ 21 എണ്ണവും യു.ഡി.എഫ് പ്രതിനിധികളാണ് കൊണ്ടുവന്നത്.

മുത്വലാഖുമായി ബന്ധപ്പെട്ട് താന്‍ കൊണ്ടുവന്ന പ്രമേയത്തിലാണ് ഇടതുമുന്നണി എം.പിമാര്‍ വോട്ട് ചെയ്തത്. എന്തുകൊണ്ടാണ് അവര്‍ മുത്വലാഖിനെതിരേ പ്രമേയം കൊണ്ടുവരാത്തതെന്നും പ്രേമചന്ദ്രന്‍ ചോദിച്ചു.