തൃശൂര്‍: സമുദായത്തിന്റെയും രാജ്യത്തിന്റെയും പൈതൃകം നിലനിര്‍ത്താന്‍ പണ്ഡിതന്മാര്‍ നേതൃത്വം നല്‍കണമെന്ന് സമസ്ത കേരള മുദരിസീന്‍ അസോസിയേഷന്‍ ജില്ലാ പ്രസിഡന്റ് ചെറുവാളൂര്‍ ഹൈദ്രോസ് മുസ്‌ലിയാര്‍ ആഹ്വാനം ചെയ്തു. തൃശൂര്‍ എം.ഐ.സിയില്‍ നടന്ന എസ്.എം.എഫ് ജില്ലാ പ്രവര്‍ത്തക സമിതി യോഗം ഉദ്ഘാടനം ചെയ്യുകയായിരുന്നു അദ്ദേഹം.
തൃശൂര്‍ ജില്ലയിലെ എസ്.എം.എഫിന്റെ മുഴുവന്‍ റെയ്ഞ്ച് കമ്മിറ്റികളും പുന:സംഘടിപ്പിക്കാന്‍ തീരുമാനിച്ചു. എസ്.എം.എഫ് സംസ്ഥാന ഓര്‍ഗനൈസര്‍ എ.കെ ആലിപ്പറമ്പ് വിഷയാവതരണം നടത്തി. പി.എസ് മുഹമ്മദ് കുട്ടി ബാഖവി അധ്യക്ഷനായി. നാസര്‍ ഫൈസി തിരുവത്ര, ആറ്റൂര്‍ അബു ഹാജി, ബഷീര്‍ കലേപ്പാടം, ഹംസ മുസ്‌ലിയാര്‍ ചേറ്റുവ, മൂസകുട്ടി ഹാജി, ഇബ്രാഹിം ഫൈസി പഴുന്നാന, ഹുസൈന്‍ അരിയപുറം, ടി.എസ് മമ്മി ദേശമംഗലം, ത്രീസ്റ്റാര്‍ കുഞ്ഞിമുഹമ്മദ് ഹാജി സംസാരിച്ചു.