ന്യൂഡല്‍ഹി: പ്രതിപക്ഷ നേതാവ് രമേശ് ചെന്നിത്തല ഹൈക്കമാന്‍ഡുമായി ചര്‍ച്ച നടത്താന്‍ ഡല്‍ഹിയിലെത്തി. കെ.പി.സി.സിയുടെ പുതിയ പ്രസിഡന്റിനെ തെരഞ്ഞെടുക്കുന്നതുമായി ബന്ധപ്പെട്ട ചര്‍ച്ചകള്‍ക്കായാണ് ചെന്നിത്തല ഡല്‍ഹിയില്‍ എത്തിയത്.

നാളെ ഇതു സംബന്ധിച്ച് സോണിയാ ഗാന്ധിയുമായും മറ്റു നേതാക്കളുമായും ചര്‍ച്ച നടത്തും. സംഘടന തെരഞ്ഞെടുപ്പ് പ്രഖ്യാപിച്ചതിനാല്‍ ഇടക്കാലത്തേക്ക് പുതിയ പ്രസിഡന്റിനെ വയ്ക്കണോ എന്നതു സംബന്ധിച്ചാകും ചര്‍ച്ച. അടുത്തയാഴ്ച ഉമ്മന്‍ചാണ്ടിയും ഹൈക്കമാന്‍ഡിനെ കാണാനായി ഡല്‍ഹിയില്‍ എത്തുന്നുണ്ട്.