കൊണ്ടോട്ടി: കരിപ്പൂര്‍ വിമാനത്താവളത്തെ തകര്‍ക്കാന്‍ ശ്രമിക്കുന്ന ഉദ്യോഗസ്ഥ-ഭരണകൂട ഗൂഢാലോചനക്കെതിരേ യൂത്ത് കോണ്‍ഗ്രസ് മലപ്പുറം പാര്‍ലിമെന്റ് കമ്മിറ്റിയുടെ നേതൃത്വത്തില്‍ വിമാനത്താവള പരിസരത്ത് ശനി, ഞായര്‍ ദിവസങ്ങളില്‍ രാവും പകലും സമരം സംഘടിപ്പിക്കും. സ്വകാര്യ എയര്‍ പോര്‍ട്ടിനെ സഹായിക്കുന്നതിനായി കരിപ്പൂരിനെ തകര്‍ക്കാനായി ചില ഉദ്യോഗസ്ഥരും ഭരണകൂടവും ഒന്നിച്ചിരിക്കുന്നതിനെതിരേയാണ് സമരം.
ജൂലായ് അവസാനത്തില്‍ ഡല്‍ഹിയില്‍ പാര്‍ലിമെന്റ് മാര്‍ച്ച് നടത്താനും തീരുമാനിച്ചിട്ടുണ്ട്. രാവും പകലും സമരം നാളെ ഉച്ചയ്ക്ക് രണ്ടിന് മുന്‍ മന്ത്രി ആര്യാടന്‍ മുഹമ്മദ് ഉദ്ഘാടനം ചെയ്യും. സമാപനം ഞായറാഴ്ച എ.പി അനില്‍കുമാര്‍ എം.എല്‍.എ ഉദ്ഘാടനം ചെയ്യും.
വി.വി പ്രകാശ്, വി.എ കരീം, പി.ടി അജയ് മോഹന്‍, കെ.പി അബ്ദുല്‍ മജീദ്, ഇ. മുഹമ്മദ്കുഞ്ഞി, പി. ഇഫ്തിഖാറുദീന്‍ സംബന്ധിക്കും.