വെള്ളടറ: നല്ല വെള്ളിയാഴ്ച ദിവസം കുരിശുമലയയില്‍ തീര്‍ഥാടക പ്രവാഹം. ലക്ഷക്കണക്കിന് തീര്‍ഥാടകരാണ് മല കയറിയത്. പുലര്‍ച്ചെ മുതല്‍  തന്നെ വിവിധ ദേവാലയങ്ങളില്‍ നിന്ന് എത്തിയ വിശ്വാസികള്‍ ചെറിയ മരക്കുരിശുകളുമേന്തിയാണ് മലകയറിയത്. കുരിശുമല സംഗമവേദിയില്‍ നടന്ന ആരാധനയ്ക്ക് ഡയറക്ടര്‍ ഡോ. വിന്‍സന്‍ കെ. പീറ്റര്‍ നേതൃത്വം നല്‍കി. കെ.എസ്.ആര്‍.ടി.സി എല്ലാ ഡിപ്പോകളില്‍നിന്നു കുരിശുമലയിലേക്ക് സര്‍വ്വീസ് നടത്തി. ഉച്ചയ്ക്കുശേഷമായിരുന്നു കുരിശിന്റെ വഴി. കുരിശുമല പള്ളിയില്‍നിന്ന് ആരംഭിച്ച കുരിശിന്റെ വഴിക്ക് കുരിശുമല ഡയറക്ടര്‍ ഡോ. വിന്‍സന്‍ കെ. പീറ്റര്‍ നേതൃത്വം നല്‍കി.