കോഴിക്കോട്: ലോക്‌സഭാ തെരഞ്ഞെടുപ്പില്‍ സംസ്ഥാനത്ത് എന്‍.ഡി.എയുമായി സഹകരിക്കുമെന്ന് ജനതാദള്‍ യുനൈറ്റഡ്. സംസ്ഥാനത്ത് ഒരിടത്തും പാര്‍ട്ടി മത്സരിക്കുന്നില്ല. എന്‍.ഡി.എ സ്ഥാനാര്‍ഥികളുടെ വിജയത്തിനായി പ്രവര്‍ത്തിക്കാനാണ് പാര്‍ട്ടി തീരുമാനമെന്നും ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു.

എന്‍.ഡി.എയില്‍ ജനതാദള്‍ യുനൈറ്റഡിനെ ഉള്‍പ്പെടുത്തിയിട്ടില്ല. മുന്നണിയില്‍ ഉള്‍പ്പെടുത്തുന്നതു സംബന്ധിച്ച് പിന്നീട് ചര്‍ച്ച ചെയ്യുമെന്നും തെരഞ്ഞെടുപ്പില്‍ ഒത്തൊരുമിച്ച് പ്രവര്‍ത്തിക്കാനാണ് തീരുമാനിച്ചതെന്നും സംസ്ഥാന വര്‍ക്കിങ് പ്രസിഡന്റ് സുധീര്‍ ജി. കൊല്ലറ പറഞ്ഞു.