കല്ലമ്പലം: മണമ്പൂര്‍ പഞ്ചായത്തിലെ ശങ്കരന്‍മുക്കില്‍  ബിവറേജസ് ഔട്ട്‌ലെറ്റ് തുടങ്ങാനുള്ള  നീക്കത്തിനെതിരേ പ്രതിഷേധം ശക്തമാകുന്നു. കോണ്‍ഗ്രസ്, സി.പി.എം, ബി.ജെ.പി, ബി.ഡി.ജെ.എസ് സംഘടനകളുടെ നേതൃത്വത്തിലാണ് പ്രതിഷേധം.
ഔട്ട്‌ലെറ്റിനായി കണ്ടെത്തിയിരിക്കുന്ന കടയുടെ മുന്നില്‍  മണമ്പൂര്‍ പഞ്ചായത്ത് പ്രസിഡന്റ് അമ്പിളി പ്രകാശിന്റെ നേതൃത്വത്തില്‍ പഞ്ചായത്ത് മെമ്പര്‍മാരും ബ്ലോക്ക് പഞ്ചായത്ത് മെമ്പര്‍മാരും വിവിധ രാഷ്ട്രീയകക്ഷികളുടെ നേതാക്കളും ധര്‍ണ നടത്തി. ബ്ലോക്ക് അംഗം പി.ജെ നഹാസ്, സി.പി.എം നേതാവ് വി. സുധീര്‍, ബി.ജെ.പി നേതാവ് മണമ്പൂര്‍ ദിലീപ്, മുന്‍ പഞ്ചായത്ത് വൈസ്പ്രസിഡന്റ് ജി. സത്യശീലന്‍, എസ്. സുരേഷ്‌കുമാര്‍, വി. രാധാകൃഷ്ണന്‍, മാവിള വിജയന്‍, എ. നഹാസ്, ഗോപാലകൃഷ്ണന്‍, പ്രഭുല്ലചന്ദ്രന്‍, എന്‍.എസ് രവി, കെ. രതി എന്നിവര്‍ സംസാരിച്ചു. തീരുമാനം ഉടന്‍ പിന്‍വലിച്ചില്ലെങ്കില്‍ വന്‍പ്രക്ഷോഭ  പരിപാടികള്‍ക്കു നേതൃത്വം നല്‍കുമെന്നു സംഘടനാ നേതാക്കള്‍ മുന്നറിയിപ്പ് നല്‍കി.