മണ്ണാര്‍ക്കാട്: സൗഹൃദ പൂര്‍ണ്ണ തൊഴിലിടം അവകാശ സംരക്ഷണ മുന്നേറ്റം എന്ന പ്രമേയത്തില്‍ മെയ് 5,6 തിയ്യതികളില്‍ പാലക്കാട് നടക്കുന്ന എസ്.ടി.യു 60ാം വാര്‍ഷികാഘോഷം വിജയിപ്പിക്കാന്‍ മണ്ണാക്കാട് നടന്ന എസ്.ടി.യു താലൂക്ക് കണ്‍വെന്‍ഷന്‍ തീരുമാനിച്ചു. സമ്മേളനത്തിന്റെ പ്രചരണാര്‍ഥം ഓരോ പഞ്ചായത്ത് കമ്മിറ്റിക്കളും പ്രചരണ ബോര്‍ഡുകള്‍ സ്ഥാപിക്കാനും, മണ്ഡലത്തില്‍ നിന്ന് ആയിരം പേരെ പങ്കെടുപ്പിക്കാനും തീരുമാനിച്ചു.
മണ്ണാര്‍ക്കാട് ലീഗ് ഓഫീസില്‍ നടന്ന കണ്‍വെന്‍ഷന്‍ മുസ്‌ലിംലീഗ് ജില്ലാ ജനറല്‍ സെക്രട്ടറി കളത്തില്‍ അബ്ദുല്ല ഉദ്ഘാടനം ചെയ്തു. ടി.കെ മരക്കാര്‍ അധ്യക്ഷത വഹിച്ചു. എസ്.ടി.യു ജില്ലാ ജനറല്‍ സെക്രട്ടറി അഡ്വ.നാസര്‍ കൊമ്പത്ത് മുഖ്യപ്രഭാഷണം നടത്തി. ചടങ്ങില്‍ യൂണിറ്റുകളുടെ അഫിലിയേഷന്‍ സര്‍ട്ടിഫിക്കറ്റുകളും കളത്തില്‍ അബ്ദുല്ല വിതരണം ചെയ്തു.
കെ.ടി ഹംസപ്പ സ്വാഗതവും, കെ.പി ഉമ്മര്‍ നന്ദിയും പറഞ്ഞു. മുസ്‌ലിംലീഗ് മണ്ഡലം ട്രഷറര്‍ കറൂക്കില്‍ മുഹമ്മദാലി, മുഹമ്മദാലി ആലായന്‍, ഹമീദ് കൊമ്പത്ത്, നാസര്‍ പുളിക്കല്‍, ടി.കെ ഫൈസല്‍, റഫീഖ പറോക്കോട്ടില്‍, തെക്കന്‍ അസ്മാബി, എം. റഹ്മത്ത്, പി. മുഹമ്മദ് മാസ്റ്റര്‍, ഹംസ കരിമ്പനക്കല്‍, വൈശ്യന്‍ സിദ്ദീഖ്, നാസര്‍ പാതാക്കര സംബന്ധിച്ചു.