പാലക്കാട് : സുന്നി മഹല്ല് ഫെഡറേഷന്‍ സംസ്ഥാന കമ്മിറ്റി ഈ മാസം 26,27 തിയ്യതികളില്‍ തൃശൂര്‍ വാദി ഖുബയില്‍ വെച്ച് നടത്തുന്ന ദേശീയ പ്രതിനിധി സംഗമത്തിന്റെ പ്രചരണാര്‍ത്ഥം തൃശൂര്‍ ജില്ലാ കമ്മിറ്റി സംഘടിപ്പിക്കുന്ന ജില്ലാ മഹല്ല് സംഗമം എരുമപ്പെട്ടി റംലി ഓര്‍ഫനേജില്‍ ഇന്ന് നടക്കും. കാലത്ത് 9.45 ന് ആരംഭിക്കുന്ന സംഗമം സുന്നി മഹല്ല് ഫെഡറേഷന്‍ സംസ്ഥാന പ്രസിഡന്റ് പാണക്കാട് സയ്യിദ് ഹൈദറലി ശിഹാബ് തങ്ങള്‍ ഉദ്ഘാടനം ചെയ്യും. ജില്ലാ പ്രസിഡന്റ് ചെറുവാളൂര്‍ ഹൈദ്രോസ് മുസ്‌ലിയാര്‍ അധ്യക്ഷനാകും.
സംഗമത്തില്‍ സമസ്ത കേരള ജംഇയത്തുല്‍ ഉലമ ജില്ലാ പ്രസിഡന്റ് സയ്യിദ് എസ്.എം.കെ. തങ്ങള്‍ പ്രാര്‍ത്ഥന നടത്തും. സമസ്ത സെക്രട്ടറി എം.ടി. അബ്ദുള്ള മുസ്‌ലിയാര്‍ അനുഗ്രഹ പ്രഭാഷണം നടത്തും. എസ്.എം.എഫ്. സംസ്ഥാന ജനറല്‍ സെക്രട്ടറി ഉമര്‍ ഫൈസി മുക്കം മുഖ്യപ്രഭാഷണവും, സെക്രട്ടറി പിണങ്ങോട് അബൂബക്കര്‍ പ്രമേയ പ്രഭാഷണവും നിര്‍വ്വഹിക്കും. ജില്ലാ ജനറല്‍ സെക്രട്ടറി ഹംസ ബിന്‍ ജമാല്‍ റംലി, സമസ്ത ജില്ലാ സെക്രട്ടറി എം.എം.മുഹയുദ്ധീന്‍ മുസ്‌ലിയാര്‍, എസ്.വൈ.എസ്. സംസ്ഥാന ട്രഷറര്‍ ഹാജി.കെ.മമ്മദ് ഫൈസി, എസ്.കെ.എസ്.എസ്.എഫ്. സംസ്ഥാന വൈസ് പ്രസിഡന്റ് ഓണമ്പിള്ളി മുഹമ്മദ് ഫൈസി, ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് പി.ടി. കുഞ്ഞുമുഹമ്മദ് മുസ്‌ലിയാര്‍, എസ്.എം.എഫ്. സംസ്ഥാന ഓര്‍ഗനൈസര്‍മരായ എ.കെ. ആലിപ്പറമ്പ്, പി.സി. ഉമര്‍ മൗലവി വയനാട്, സമസ്ത ലീഗല്‍ സെല്‍ സംസ്ഥാന ഓഫീസര്‍ അഡ്വ: മുഹമ്മദ് ത്വയ്യിബ് ഹുദവി, എസ്.എം.എഫ്. ജില്ലാ വര്‍ക്കിംഗ് പ്രസിഡന്റ് ഷറഫുദ്ദീന്‍ മൗലവി വെന്മേനാട്, എസ്.വൈ.എസ്. സംസ്ഥാന സെക്രട്ടറി അബ്ദുള്‍ കരീം ഫൈസി, എസ്.കെ.എസ്.എസ്.എഫ്. സംസ്ഥാന ട്രഷറര്‍ ബഷീര്‍ ഫൈസി ദേശമംഗലം, ജംഇയ്യത്തുല്‍ മുഅല്ലിമീന്‍ ജില്ലാ ജനറല്‍ സെക്രട്ടറി വി.എം. ഇല്യാസ് ഫൈസി, സമസ്ത ലീഗല്‍ സെല്‍ ജില്ലാ കണ്‍വീനര്‍ ബഷീര്‍ കല്ലേപ്പാടം, എസ്.എം.എഫ്. ജില്ലാ സെക്രട്ടറിമാരായ ഉസ്മാന്‍ കല്ലാട്ടയില്‍, ഷംസുദ്ദീന്‍ വില്ലന്നൂര്‍, എസ്.കെ.എസ്.എസ്.എഫ്. ജില്ലാ പ്രസിഡന്റ് സിദ്ദീഖ് ബദരി, ട്രഷറര്‍ മഅ്‌റൂഫ് വാഫി, എസ്.എം.എഫ്. ജില്ലാ ട്രഷറര്‍ ഹംസ ഹാജി അകലാട് സംസാരിക്കും. ജംഇയത്തുല്‍ ഉലമ ജില്ലാ അംഗം ആറ്റൂര്‍ അബു ഹാജി പതാക ഉയര്‍ത്തും. ജില്ലയിലെ 24 മേഖലകളില്‍ നിന്നായി 5000 പ്രതിനിധികള്‍ പങ്കെടുക്കും.