മൂലമറ്റം: സിനിമാതാരം ദിലീപിന്റെ കാരവാന്‍ നിയന്ത്രണം വിട്ട് മറിഞ്ഞ് രണ്ട് പേര്‍ക്ക് പരുക്ക്.
 മുരിക്കാശ്ശേരി വട്ടത്തറയില്‍ ആല്‍ബി ജോസഫ്, വയനാട് സ്വദേശി പ്രമോദ് കെ.കെ എന്നിവര്‍ക്കാണ് പരുക്കേറ്റത്.സംഭവ സമയം ദിലീപ് വാഹനത്തില്‍ ഇല്ലായിരുന്നു.മൂലമറ്റത്തിന് സമീപം കുരുതിക്കളത്താണ് അപകടം നടന്നത്.
ഇന്നലെ മൂന്നുമണിയോടെ കുരിതിക്കളം അമ്പലത്തിനുസമീപത്തുള്ള ഹെയര്‍പിന്‍ വളവില്‍ വച്ചായിരുന്നു അപകടം. അപകടസമയത്ത് കാരവനില്‍ മൂന്നുപേരായിരുന്നു ഉണ്ടായിരുന്നത്.പരുക്കേറ്റവര്‍  മൂലമറ്റത്തെ സ്വകാര്യ ആശുപത്രിയില്‍ ചികിത്സ തേടി. തേനിയില്‍ സിനിമ ഷൂട്ടിങ് കഴിഞ്ഞു തിരുവന്തപുരത്തിന് മടങ്ങുകയായിരുന്ന കാരവനാണ് ബ്രേക്ക് നഷ്ടപ്പെട്ടതിനെ തുടര്‍ന്ന് അപകടത്തില്‍ പെട്ടത്.