കോട്ടയം: കത്തോലിക്കാ സഭയിലെ ജലന്ധര്‍ ബിഷപ്പ് ഫ്രാങ്കോ മുളയ്ക്കല്‍ പീഡിപ്പിച്ചെന്ന പരാതിയുമായി കന്യാസ്ത്രീ. നാലു വര്‍ഷം മുന്‍പ് കുറുവിലങ്ങാട്ടു വച്ച് പീഡിപ്പിച്ചുവെന്നാണ് കോട്ടയം എസ്.പിക്ക് പരാതി നല്‍കിയിരിക്കുന്നത്.

അച്ചടക്ക നടപടിയെടുത്തതിന് കള്ളപ്പരാതി നല്‍കുമെന്ന് കന്യാസ്ത്രീ ഭീഷണിപ്പെടുത്തിയിരുന്നെന്ന് കാണിച്ച് ബിഷപ്പും എസ്.പിക്ക് പരാതി നല്‍കി. ആദ്യം കിട്ടിയത് ബിഷപ്പിന്റെ പരാതിയെന്ന് പൊലിസ് പറഞ്ഞു.

എന്നാല്‍ 2014ല്‍ പരാതി നല്‍കാന്‍ ഒരുങ്ങിയ തന്നെ ഭീഷണിപ്പെടുത്തിയെന്നാണ് കന്യസ്ത്രീയുടെ വാദം. ഇരുവരുടേയും പരാതിയില്‍ കേസ് എടുത്ത് വൈക്കം ഡി.വൈ.എസ്.പി അന്വേഷിക്കുമെന്ന് എസ്.പി പറഞ്ഞു.