കോഴിക്കോട്: കോര്‍പറേഷനിലെ അഴിമതിയില്‍ പ്രതിഷേധിച്ച് 18 ന് രാവിലെ 10-ന് ജില്ലാ കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ കോര്‍പറേഷന്‍ ഓഫിസിലേക്ക് അഴിമതി വിരുദ്ധ മാര്‍ച്ച് സംഘടിപ്പിക്കുമെന്ന് ഡി.സി.സി പ്രസിഡന്റ് ടി.സിദ്ദീഖ് വാര്‍ത്താസമ്മേളനത്തില്‍ അറിയിച്ചു.
മുന്‍ കെ.പി.സി.സി പ്രസിഡന്റ് കെ.മുരളീധരന്‍ ഉദ്ഘാടനം ചെയ്യും.
 കേരളത്തിലെ ഏറ്റവും വലിയ തദ്ദേശ അഴിമതി നടക്കുന്ന കേന്ദ്രമായി കോഴിക്കോട് കോര്‍പറേഷന്‍ മാറിയിരിക്കുകയാണ്. അതില്‍ അവസാനത്തേതാണ് വിളക്കുകാല്‍ അഴിമതിയെന്നും അദ്ദേഹം പറഞ്ഞു.  പൊതുമരാമത്തിനെ കൊണ്ട് ചെയ്യിക്കേണ്ട കാര്യങ്ങളില്‍ മരാമത്തിനെ മാറ്റി ചെയ്യിക്കുന്നത് എന്തുകൊണ്ടാണെന്ന് മേയര്‍ വ്യക്തമാക്കണമെന്നും സിദ്ദീഖ് ആവശ്യപ്പെട്ടു.