റിയാദ്:  സമസ്ത മുശാവറ അംഗവും കരുവാരക്കുണ്ട് ദാറുന്നജാത്ത് ഇസ്ലാമിക് സെന്റർ സെക്രട്ടറിയുമായ വാക്കോട് മുയ്തീൻ കുട്ടി ഫൈസിക്ക്  സമസ്ത ഇസ്‌ലാമിക് സെന്റർ തായിഫ് ഘടകം സ്വീകരണം നൽകി.     ത്വായിഫ് എസ്. ഐ.സി ഓഡിറ്റോറിയത്തിൽ നടന്ന യോഗത്തിൽ ശരീഫ് ഫൈസി കരുവാരക്കുണ്ട് അധ്യക്ഷത വഹിച്ചു. ശരീഫ് മണ്ണാർക്കാട് ഉസ്താദിനെ ഷാളണിയിച്ചു സ്വീകരിച്ചു. "ഖുർആൻ   രക്ഷയുടെ സൽസരണി"യെന്ന എസ്.ഐ.സി.നാഷണൽ കാമ്പയിൻ നാലാം ഘട്ടത്തിന്റെ ത്വായിഫ് തല ഉൽഘാടനം സൈതലവി ഫൈസിക്ക് കോപ്പി നൽകി  വാക്കോട് മുയ്തീൻ കുട്ടി ഫൈസി നിർവ്വഹിച്ചു. നൗഫൽ വാഫി, സുബൈർ കൊടുങ്ങല്ലൂർ, കുഞ്ഞിപ്പ, ലത്തീഫ് മസീഫ്,അബ്ദുൽ ജബ്ബാർ കരുളായി, അലി തെങ്കര,അഷ്റഫ് താനാളൂർ അബ്ദുറഹ്മാൻ വടക്കാഞ്ചേരി, എം എ റഹ്മാൻ, അബ്ദുസ്സലാം പുല്ലാളൂർ,ജലീൽ കട്ടിലശ്ശേരി,സക്കീർ പൂനൂർ, അഷ്റഫ് ടിപി  തുടങ്ങിയവർ പങ്കെടുത്തു. ബഷീർ താനൂർ സ്വാഗതവും ശരീഫ് മണ്ണാർക്കാട് നന്ദിയും പറഞ്ഞു.