കോഴിക്കോട്: ഇടിയങ്ങര അപ്പവാണിഭ നേര്‍ച്ച ഇന്ന് സമാപിക്കും. രാവിലെ 11 മണിക്ക് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രിമുത്തുക്കോയ തങ്ങളുടെ നേതൃത്വത്തില്‍ ഖത്തം ദുആ നടത്തും. ചടങ്ങില്‍ സി.കെ.എം സ്വാദിഖ്മുസ്‌ലിയാര്‍, എം.ടി അബ്ദുല്ലമുസ്‌ലിയാര്‍, വി. മൂസക്കോയ മുസ്‌ലിയാര്‍ വയനാട്, കെ.കെ.പി അബ്ദുല്ലമുസ്‌ലിയാര്‍, അബ്ദുല്‍വാഹിദ് മുസ്‌ലിയാര്‍ അത്തിപ്പറ്റ, അസ്‌ലം ബാഖവി പാറന്നൂര്‍ തുടങ്ങിയവര്‍ പങ്കെടുക്കും. ഉച്ചക്ക് ഒരു മണിക്ക് അന്നദാനവും നടക്കും.
ഖത്തം ദുആയോടെ നേര്‍ച്ചക്ക് പരിസമാപ്തിയാകുമെങ്കിലും ഏതാനും ദിവസം കൂടി സ്ത്രീകളുടെ സിയാറത്തും ദുആയും തുടരും.