കല്യാശേരി:കെ.പി.പി. നമ്പ്യാര്‍ വിട പറഞ്ഞിട്ട് ഇന്നേക്ക് രണ്ടുവര്‍ഷം തികയുന്നു. കെല്‍ട്രോണ്‍ സ്ഥാപിച്ച് ഇലക്ട്രോണിക്‌സ് ഉല്‍പ്പന്ന നിര്‍മ്മാണ രംഗത്ത് വന്‍ കുതിപ്പുണ്ടാക്കിയ സാങ്കേതിക വിദ്യയിലെ പ്രതിഭയ്ക്ക് ഉചിതമായ സ്മാരകം ഉള്‍പ്പെടെ യു ള്ള സംവിധാന ങ്ങള്‍ ഒരുക്കുമെന്ന് പറഞ്ഞുവെങ്കിലും സംസ്ഥാന സര്‍ക്കാരും ജനപ്രതിനിധികളും കെല്‍ട്രോണ്‍ മാനേജ് മെന്റും എല്ലാം മറന്നു. ഇതിനായി ഒരുകോടിരൂപ അനുവദിക്കുമെന്നായിരുന്നു സര്‍ക്കാര്‍ പറഞ്ഞിരുന്നത്. എന്നാല്‍ പ്രാരംഭ നടപടികള്‍ പോലും പൂര്‍ത്തിയാകാത്തത് ലോകപ്രശസ്തനായ കെ.പി.പിയോടുള്ള അനാദരവാണെന്ന് നാട്ടുകാര്‍ പറയുന്നു. മാങ്ങാട്ടുപറമ്പകെല്‍ട്രോണ്‍ കെല്‍ട്രോണ്‍ വളപ്പിലാണ് അദ്ദേഹത്തിന് സ്മൃതിമണ്ഡപമൊരുക്കിയത്. എന്നാല്‍ ചരമവാര്‍ഷികദിനത്തില്‍പ്പോലും കെ.പി.പിയെ മറക്കുകയാണ് സര്‍ക്കാര്‍.