പട്ടാമ്പി: ഇന്ത്യന്‍ യൂനിയന്‍ മുസ്‌ലിം ലീഗ് സ്ഥാപകന്‍ ഖാഇദെ മില്ലത്ത് മുഹമ്മദ് ഇസ്മയില്‍ സാഹിബ് മതേതരത്വത്തിന്റെ കാവലാളായിരുന്നുവെന്നും അദ്ദേഹത്തിന്റെ ദര്‍ശനങ്ങള്‍ക്ക് മരണമില്ലെന്നും സി.എ.എം.എ കരീം  അഭിപ്രായപ്പെട്ടു. അനശ്വര ദാര്‍ശനികന്‍ ഖാഇദെ മില്ലത്ത് മുഹമ്മദ് ഇസ്മായില്‍ സാഹിബ് എന്ന വിഷയത്തില്‍ പട്ടാമ്പി മുനിസിപ്പല്‍ യൂത്ത് ലീഗ് കമ്മിറ്റി സംഘടിപ്പിച്ച അനുസ്മരണ യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വി.കെ സൈനുദ്ധീന്‍ അധ്യക്ഷനായി. സിറാജ് ആമയൂര്‍ മുഖ്യപ്രഭാഷണം നടത്തി. സി.എ സാജിത്, പി മൊയ്തീന്‍ കുട്ടി, കെ.എം.എ ജലീല്‍, സി.എ റാസി, സൈതലവി വടക്കേതില്‍, യു.കെ ഷറഫുദ്ധീന്‍, പി ഷെഫീക്ക് സംബന്ധിച്ചു.