മട്ടാഞ്ചേരി: കഴിഞ്ഞദിവസം രാത്രിയുണ്ടായ ശക്തമായ കാറ്റില്‍ തെങ്ങ് മറിഞ്ഞ് വീണ് വീടിന്റെ മേല്‍ക്കൂര തകര്‍ന്നു. കുമ്പളങ്ങി ടോളിന് സമീപം പടിക്കല്‍ കുമാരിയുടെ വീടിന്റെ മുകളിലേക്കാണ് സമീപത്തെ പറമ്പില്‍ നിന്നിരുന്ന തെങ്ങ് മറിഞ്ഞ് വീണത്.
വീടിന്റെ മേല്‍ക്കൂര പൂര്‍ണ്ണമായും തകര്‍ന്ന നിലയിലാണ്. കുമാരി തനിച്ചാണ് ഇവിടെ താമസിക്കുന്നത്. ശബ്ദം കേട്ട് പുറത്തിറങ്ങിയതിനാല്‍ ആളപായമുണ്ടായില്ല. ഏകദേശം അമ്പതിനായിരം രൂപയുടെ നഷ്ടം കണക്കാക്കുന്നു.