കൊച്ചി: കൊവിഡ് പ്രതിസന്ധിക്കിടെ തീയറ്റര്‍ റിലീസ് നടക്കാത്ത സിനിമകള്‍ ഓണ്‍ലൈന്‍ പ്ലാറ്റ് ഫോമിലൂടെ റിലീസ് ചെയ്യേണ്ടെന്ന് തീരുമാനിച്ച് ഭൂരിപക്ഷം സിനിമാ നിര്‍മാതാക്കളും.

 കേരള ഫിലിം പ്രൊഡ്യൂസേഴ്‌സ് അസോസിയേഷന്‍ 48 നിര്‍മാതാക്കള്‍ക്കിടയില്‍ നടത്തിയ അഭിപ്രായ ശേഖരത്തില്‍ മൂന്നു പേര്‍ മാത്രമാണ് ഓണ്‍ലൈന്‍ റിലീസ് നടത്തുമെന്ന് അറിയിച്ചത്.

ഓണ്‍ലൈന്‍ റിലീസ് പ്രഖ്യാപിച്ച നിര്‍മാതാക്കളുടെ പേരുവിവരം പുറത്തുവിടുന്നില്ലെന്നും ഈ ചിത്രങ്ങള്‍ ലോ ബജറ്റ് ചിത്രങ്ങളാണെന്നും അസോ. പ്രസിഡന്റ് എം. രഞ്ജിത്ത് പറഞ്ഞു.നിര്‍മാതാക്കളെല്ലാം തന്നെ സാഹചര്യം മെച്ചപ്പെടും വരെ കാത്തിരിക്കാന്‍ തയാറാണെന്നാണ് അറിയിച്ചത്.