ഗസ്സ: അധിനിവേശ സൈന്യത്തിനെതിരേ നടന്ന പ്രക്ഷോഭത്തിനിടെ ഇസ്‌റാഈല്‍ നടത്തിയ വെടിവയ്പില്‍ ഫലസ്തീനി യുവാവ് മരിച്ചു. 24 കാരനായ ഹബീബുല്‍ മസ്‌രിയാണ് കൊല്ലപ്പെട്ടത്.
കഴിഞ്ഞദിവസം ബൈത്ത് ഹനൂനില്‍ നടന്ന പ്രക്ഷോഭത്തിനിടെ യുവാവിന്റെ നെഞ്ചിനു വെടിയേറ്റിരുന്നു. ഇതേതുടര്‍ന്ന് ആശുപത്രിയില്‍ പ്രവേശിപ്പിച്ച ഹബീബ് ഇന്നലെ മരിക്കുകയായിരുന്നുവെന്ന് ഫലസ്തീന്‍ മെഡിക്കല്‍ സംഘം അറിയിച്ചു. ആക്രമണത്തില്‍ ഏതാനും പേര്‍ക്കു പരുക്കേറ്റിരുന്നു.