ഉരുവച്ചാല്‍: ഹംപും റോഡിലെ കുഴികളും നെല്ലൂന്നിയെ അപകടകെണിയാക്കുന്നു.തലശ്ശേരി മട്ടന്നൂര്‍ റോഡിലെ നെല്ലൂന്നിയിലെ ഹമ്പ് വാഹനങ്ങള്‍ക്ക് ഭീഷണിയാവുന്നു. അപകട മേഖലയായതിനെ തുടര്‍ന്ന് അപകടം ഇല്ലാതാക്കാന്‍ വേണ്ടി സ്ഥാപിച്ച ഹമ്പാണ് അപകടം മാടി വിളിക്കുന്നത്.
ഹമ്പിന് സമീപത്തായി കുഴികളും രൂപപെട്ടതോടെ അപകടം വിട്ടൊഴിയുന്നില്ല. ഹമ്പി നാണെങ്കില്‍ സിഗ്‌നലും ഇല്ലാത്തതും വാഹനങ്ങള്‍ക്ക് ഭീഷണിയാണ്. . കഴിഞ്ഞ ദിവസം മിനിലോറി നിയന്ത്രണം വിട്ട് പോസ്റ്റില്‍ ഇടിച്ചു മറിഞ്ഞു. പിക്കപ്പ് ജീപ്പ്, കാര്‍, ബസ് എന്നിവ അപകടത്തില്‍പ്പെട്ടു. ബൈക്ക് യാത്രക്കാരും കുഴിയില്‍ വീഴല്‍ പതിവായിട്ടുണ്ട്.
വാഹനത്തിരക്കേറിയ റോഡില്‍ റോഡ് പരിചയക്കുറവുള്ള വാഹനം ഹമ്പ് കണ്ട ഉടന്‍ ബ്രയിക്ക് ചെയ്യുമ്പേള്‍ പിറകെ നിന്നും വരുന്ന വാഹനവും അപകടത്തില്‍ പ്പെടുകയാണ്.കഴിഞ്ഞ ഏതാനും ദിവസം മുമ്പ് ഹമ്പിന് സമീപത്ത് ഇന്നോവ കാര്‍ ബ്രയിക്ക് ചെയ്തപ്പോള്‍ പിറകെ എത്തിയ ബസ് ഇടിക്കുകയായിരുന്നു. നിരവധി പേര്‍ നടന്നു പോവുന്ന സ്ഥലത്താണ് അപകടം പതു ങ്ങി നില്‍ക്കുന്നത്.ഹമ്പിന് സിഗ്‌നല്‍ നല്‍കണമെന്നും. കുഴി അടക്കാനുള്ള നടപടി ഉടന്‍ വേണമെന്നും നാട്ടുകാര്‍ ആവശ്യപ്പെടുന്നു.