കുന്ദമംഗലം: രാഹുല്‍ ഗാന്ധി വയനാട്ടില്‍ മത്സരിക്കുമെന്ന പ്രചാരണം കോണ്‍ഗ്രസിന്റെ ശത്രു ഇടതുപക്ഷമാണെന്ന സന്ദേശമാണ് നല്‍കുന്നതെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. കുന്ദമംഗലത്ത് നടന്ന എല്‍.ഡി.എഫ് തെരഞ്ഞെടുപ്പ് പ്രചാരണ പൊതുയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
രാഹുല്‍ ഗാന്ധി കേരളത്തില്‍ എവിടെ വേണമെങ്കിലും മത്സരിക്കട്ടെ. അദ്ദേഹത്തെ പരാജയപ്പെടുത്താന്‍ എല്‍.ഡി.എഫിന് കിട്ടുന്ന അവസരം ഒരിക്കലും പാഴാക്കില്ലെന്ന് അദ്ദേഹം പറഞ്ഞു. പി.ടി.എ റഹീം എം.എല്‍.എ അധ്യക്ഷനായി. സലീം മടവൂര്‍, പി.കെ പ്രേംനാഫ്, ഇസ്്മായില്‍ സംസാരിച്ചു.