കോഴിക്കോട്: പ്രമുഖ തൊഴിലാളി യൂനിയന്‍ നേതാവായിരുന്ന കെ.എം കുട്ടികൃഷ്ണന്റെ സ്മരണക്ക് കോഴിക്കോട് സിറ്റി കോര്‍പറേഷന്‍ വര്‍ക്കേഴ്‌സ് യൂനിയന്‍ (എ.ഐ.ടി.യു.സി) പ്രഭാത് ബുക്ക് ഹൗസുമായി സഹകരിച്ച് ഏര്‍പ്പെടുത്തിയ പതിനായിരം രൂപയുടെ പുസ്തക പുരസ്‌കാരത്തിന് ചാത്തമംഗലം പൊതുജന വായനശാലയെ തെരഞ്ഞെടുത്തു. കെ.എം കുട്ടികൃഷ്ണന്റെ ഏഴാം ചരമവാര്‍ഷിക ദിനമായ ഏപ്രില്‍ രണ്ടിന് കോഴിക്കോട് എ.ഐ.ടി.യു.സി ഹാളില്‍ വൈകിട്ട് നാലിന് നടക്കുന്ന അനുസ്മരണ സമ്മേളനത്തില്‍ പുരസ്‌കാരം സമര്‍പ്പിക്കും.