പള്ളിക്കല്‍: മലപ്പുറം കാലിക്കറ്റ് സര്‍വകലാശാലയില്‍ അധികാര ദുരുപയോഗം ചെയ്ത് ഡോ. സക്കീര്‍ ഹുസൈനെതിരേ നടത്തുന്ന പ്രതികാര നടപടിയില്‍ ലോക്കല്‍ ഗവണ്‍മെന്റ് മെമ്പേഴ്‌സ് കോണ്‍ഗ്രസ് മലപ്പുറം ജില്ലാ കമ്മിറ്റി പ്രതിഷേധിച്ചു.
മലബാറിന്റെ ഉന്നത വിദ്യാഭ്യാസ കേന്ദ്രമായ കാലിക്കറ്റ് സര്‍വകലാശാലയെ പ്രതികാര രാഷ്ട്രീയം നടപ്പിലാക്കി തകര്‍ക്കാനുള്ള ശ്രമം തുടര്‍ന്നാല്‍ അധികാരികള്‍ ജനകീയ പ്രതിഷേധം നേരിടേണ്ടി വരുമെന്നും കമ്മിറ്റി ഭാരവാഹികള്‍ മുന്നറിയിപ്പ് നല്‍കി. യോഗം ജില്ലാ ചെയര്‍മാന്‍ എ.കെ അബ്ദുറഹിമാന്‍ ഉദ്ഘാടനം ചെയ്തു. വി. സുധാകരന്‍ അധ്യക്ഷനായി. നിലമ്പൂര്‍ മുനിസിപ്പല്‍ ചെയര്‍പേഴസണ്‍ പത്മിനി ഗോപിനാഥ്, ഹൈദ്രോസ് പൊന്‍മുണ്ടം, ജയദേവന്‍ തിരുവാലി, മുഹ്‌സിന്‍ കോടൂര്‍, ജോര്‍ജ് സംസാരിച്ചു.