തലശ്ശേരി: കഴിഞ്ഞ ദിവസം ദുരൂഹസാഹചര്യത്തില്‍ മരിച്ച മിഗ്ദാദിന് മയക്കുമരുന്നെത്തിച്ചയാള്‍ അറസ്റ്റില്‍. തലശ്ശേരിയിലെ എം.കെ ഹൗസില്‍ ജംഷീര്‍ (29) ആണ് അറസ്റ്റിലായത്. ഇയാള്‍ മിഗ്ദാദിന് ബ്രൗണ്‍ഷുഗര്‍ എത്തിച്ചു നല്‍കിയെന്നാണ് പൊലിസിന് നല്‍കിയ മൊഴി.  അമിത മയക്കുമരുന്ന് ഉപയോഗമാണ് മിദ്ഗാദിന്റെ മരണത്തിന്റെ കാരണമായതെന്നാണ് പൊലിസ് നിഗമനം. മിഗ്ദാദിന്റെ കൂടെ അവശനിലയില്‍ കണ്ടെത്തിയ രാഹുലിനെ നേരത്തെ പൊലിസ് അറസ്റ്റ് ചെയ്തിരുന്നു. ഇയാളില്‍ ലഭിച്ച വിവരത്തിന്റെ അടിസ്ഥാനത്തിലാണ് ജംഷീര്‍ പൊലിസിന്റെ പിടിയിലായത്. മുഴപ്പിലങ്ങാട് ഇ.എം.എസ് റോഡില്‍ പാട്ടക്കണ്ടി ഉണ്ണിയുടെ ഭാഗികമായി പൊളിച്ച തറവാട് വീടിന്റെ അടുക്കള ഭാഗത്താണ് മിഗ്ദാദിന്റെ മൃതദേഹം കാണപ്പെട്ടത്.