കോവളം: മലപ്പുറം ഉപതെരെഞ്ഞെടുപ്പില്‍ മുസ്‌ലിം ലീഗ് സ്ഥാനാര്‍ഥി പി.കെ.കുഞ്ഞാലിക്കുട്ടി വന്‍ ഭൂരിപക്ഷത്തില്‍ വിജയിച്ചതില്‍ ആഹ്ലാദമര്‍പ്പിച്ച് മുസ്‌ലിം ലീഗ് വിഴിഞ്ഞം മേഖലാ കമ്മറ്റിയുടെ നേതൃത്വത്തില്‍ ലഡു വിതരണവും പ്രകടനവും നടത്തി. മുസ്‌ലിം ലീഗ് ജില്ലാസെക്രട്ടറി വിഴിഞ്ഞം റസാഖ് അനുമോദനയോഗം ഉദ്ഘാടനം ചെയ്തു.മേഖലാ പ്രസിഡന്റ്  എം.എം.ഇബ്രാഹിം മേഖലാസെക്രട്ടറി നൂറുദ്ദീന്‍,യൂത്ത് ലീഗ് ജില്ലാവൈസ് പ്രസിഡന്റ്  അബ്ദുല്‍ഖലാം മിസ്ബാഹി,എസ്.കെ.എസ്.എസ്.എഫ് ജില്ലാ പ്രസിഡന്റ് അബ്ദുള്ള മഹിളരി,നേതാക്കളായ ഹസന്ന്‍കണ്ണ്,എ.ആര്‍.കലാം,ഹുസൈന്‍ കണ്ണ്, ഹിദായത്ത്,ഇബ്രാഹിം തുടങ്ങിയവര്‍ ആഹ്ലാദ പ്രകടനത്തിന് നേതൃത്വം നല്‍കി.

വെള്ളറട: മലപ്പുറം ഉപതിഞ്ഞെടുപ്പ് വിജയത്തില്‍ ആഹ്ലാദം പ്രകടിപ്പിച്ച് യു.ഡി.എഫ് വെള്ളറടയില്‍ പ്രകടനം നടത്തി. പനച്ചമൂട്ടില്‍ നിന്ന് ആരംഭിച്ച പ്രകടനം വെള്ളറടയില്‍ സമാപിച്ചു. സമാപനയോഗം യു.ഡി.എഫ് പാറശ്ശാല മണ്ഡലം കണ്‍വീനര്‍ കെ. ദസ്തഗീര്‍ നിര്‍വഹിച്ചു. ലീഗ് പാറശ്ശാല മണ്ഡലം പ്രസിഡന്റ് മുഹമ്മദ് ഹുസയ്ന്‍, സക്കീര്‍ ഹുസയ്ന്‍, കോണ്‍ഗ്രസ് നേതാക്കളായ അഡ്വ. രാജു, കെ. ജി മംഗള്‍ദാസ് തുടങ്ങിയവര്‍ സംസാരിച്ചു.