വേങ്ങര: ലോക്‌സഭ ഉപതെരഞ്ഞെടുപ്പില്‍ ഏഴു മണ്ഡലങ്ങളില്‍ പി.കെ കുഞ്ഞാലിക്കുട്ടിയ്ക്ക് ഏറ്റവും കൂടുതല്‍ ലീഡ് വേങ്ങര മണ്ഡലത്തില്‍.
നിലവില്‍ വേങ്ങര മണ്ഡലം എംഎല്‍.എകൂടിയാണ് പി.കെ കുഞ്ഞാലിക്കുട്ടി. കഴിഞ്ഞ വര്‍ഷം അഹമ്മദിന് ഏറ്റവും കൂടുതല്‍ ഭൂരിപക്ഷം ലഭിച്ചതും വേങ്ങര നിന്നായിരുന്നു. 2011, 16 ലെ നിയമസഭ തെരഞ്ഞെടുപ്പുകളെ അപേക്ഷിച്ച് ഇത്തവണ ഭൂരിപക്ഷം ഉയര്‍ത്താനായി. 40529 വോട്ടുകളുടെ ഭൂരിപക്ഷം നേടി ആകെ പോള്‍ ചെയ്ത  114158 വോട്ടുകളുടെ 64.65 ശതമാനം വോട്ടും കുഞ്ഞാലിക്കുട്ടി സ്വന്തമാക്കി.
എ.ആര്‍ നഗര്‍ 6193, കണ്ണമംഗലം 6768, ഊരകം 5308, വേങ്ങര 9880, പറപ്പൂര്‍ 6217, ഒതുക്കുങ്ങല്‍ 6163 എന്നിങ്ങനെയാണ് പഞ്ചായത്ത് തലങ്ങളിലെ ഭൂരിപക്ഷം.