രാവണീശ്വരം: അഴീക്കോടന്‍ ആര്‍ട്‌സ് ആന്റ് സ്‌പോര്‍ട്‌സ് ക്ലബ്ബിന്റെയും സി.പി.എം  മാക്കി ക്ലബ്ബിന്റെയും കെട്ടിടോദ്ഘാടനത്തിന്റെ ഭാഗമായി സംഘടിപ്പിച്ച മെഗാ മംഗലംകളി നവ്യാനുഭവമായി.
വിഷുനിലാവ് 2017 ഗോത്രപ്പെരുമയില്‍ അവതരിപ്പിച്ച മെഗാ മംഗലംകളിയാണ് ആയിരക്കണക്കിനാളുകള്‍ ഹര്‍ഷാരവത്തോടെയാണ് സ്വീകരിച്ചത്.
മംഗലംകളി വീക്ഷിക്കാന്‍ ജില്ലയുടെ നാനാഭാഗങ്ങളില്‍ നിന്നും ആളുകള്‍ ഒഴുകിയെത്തി. നൂറോളം വരുന്ന കലാകാരന്‍മാര്‍ക്കിടയില്‍ ഏറ്റവും പ്രായം കുറഞ്ഞ ആര്യ എന്ന കുട്ടിയുടെ പ്രകടനം ഏറെ ശ്രദ്ധിക്കപ്പെട്ടു. പ്രായം വക വെയ്ക്കാതെ ചുവടുകള്‍ വെച്ച കുമ്പമ്മയും പ്രേഷകരുടെ കൈയ്യടി നേടി.
ചടങ്ങില്‍ തമ്പാന്‍ നമ്പ്യാരുടെ അദ്ധ്യക്ഷതയില്‍ തൃക്കരിപ്പൂര്‍ എം.എല്‍.എ എം.രാജഗോപാലന്‍ പരിപാടി ഉദ്ഘാടനം ചെയ്തു. പി.രാധാകൃഷ്ണന്‍ സ്വാഗതവും കെ.വി.വിനോദന്‍ നന്ദിയും പറഞ്ഞു.