കോഴിക്കോട്: ധാര്‍മികത ജീവിത ഭാഗമാക്കിയവരും മൂല്യബോധമുള്ളവരും സിവില്‍ സര്‍വിസ് രംഗത്തേക്ക് കടന്ന് വരുന്നത് സ്വാഗതാര്‍ഹമാണെന്ന് അബൂബക്കര്‍ സിദ്ദീഖ് ഐ.എ.എസ് പറഞ്ഞു. എസ്.കെ.എസ്.എസ്.എഫ് വിദ്യാഭ്യാസ വിഭാഗമായ ട്രെന്‍ഡിന് കീഴില്‍ അറബിക് കോളജുകളില്‍ പഠിക്കുന്ന വിദ്യാര്‍ഥികള്‍ക്കായുള്ള സിവില്‍ സര്‍വിസ് കോച്ചിങ് പദ്ധതിയായ മഫാസിന്റെ മൂന്നാം ബാച്ച് ലോഞ്ചിങ് നിര്‍വഹിച്ചു ഓണ്‍ലൈന്‍ സംഗമത്തില്‍ മുഖ്യാതിഥിയായി സംസാരിക്കുകയായിരുന്നു അദ്ദേഹം.
മഫാസ് ഹോണററി ഡയറക്ടര്‍ ഷാഹിദ് തിരുവള്ളൂര്‍ ഐ.ഐ.എസ് ഉദ്ഘാടനം ചെയ്തു. സംസ്ഥാന ചെയര്‍മാന്‍ റഷീദ് കൊടിയൂറ അധ്യക്ഷനായി. എസ്.കെ.എസ്.എസ്.എഫ് ജനറല്‍ സെക്രട്ടറി സത്താര്‍ പന്തലൂര്‍, ട്രെന്റ് സംസ്ഥാന സെക്രട്ടറി ഡോ. അബ്ദുല്‍ മജീദ് കൊടക്കാട്, കണ്‍വിനര്‍ ശാഫി ആട്ടീരി പ്രസംഗിച്ചു.
സിവില്‍ സര്‍വിസ് കോച്ചിങ് ഫാക്കല്‍റ്റി പി.കെ നിംഷിദ് ഓറിയന്റേഷന്‍ ക്ലാസ് നടത്തി. മഫാസ് കോര്‍ഡിനേറ്റര്‍ സിദ്ദീഖുല്‍ അക്ബര്‍ വാഫി സ്വാഗതഗവും മഫാസ് ടീം ലീഡര്‍ നിഷാദ് നന്ദിയും പറഞ്ഞു.