കൊച്ചി: സി.പി.ഐ(എം.എല്‍) റെഡ് സ്റ്റാര്‍ കേരളത്തിലെ എട്ട് മണ്ഡലത്തില്‍ സ്ഥാനാര്‍ഥികളെ പ്രഖ്യാപിച്ചു. എറണാകുളത്ത് പാര്‍ട്ടി പിന്തുണയോടെ സ്വതന്ത്ര സ്ഥാനാര്‍ഥി ഷാജഹാന്‍ അബ്ദുല്‍ ഖാദര്‍ മത്സരിക്കും. വയനാട്ടില്‍ കെ. ഉഷ, വടകരയില്‍ അഡ്വ കെ. സുധാകരന്‍, തൃശൂരില്‍ എന്‍.ഡി വേണു എന്നിവര്‍ പാര്‍ട്ടി സ്ഥാനാര്‍ഥികളായി മത്സരിക്കും. ഇടുക്കി, പൊന്നാനി, ചാലക്കുടി, കോട്ടയം മണ്ഡലങ്ങളില്‍ പാര്‍ട്ടി പിന്തുണയോടെയുള്ളവര്‍ മത്സരിക്കും.
ഇടുക്കിയില്‍ പെമ്പിളൈ ഒരുമൈ സമര നേതാവ് ജി. ഗോമതിയാണ് പാര്‍ട്ടി പിന്തുണയോടെ മത്സരിക്കുന്നത് എന്നും ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. പൊന്നാനിയില്‍ നൗഷാദ് വെന്നിയൂര്‍, ചാലക്കുടിയില്‍ ഫ്രൈഡ്ഡി ജാക്‌സണ്‍ പെരേര, കോട്ടയത്തു എം.കെ രാജപ്പന്‍ എന്നിവര്‍ പാര്‍ട്ടി പിന്തുണയോടെ മത്സരിക്കും. പി.ബി അംഗം പി.ജെ ജെയിംസ്, സംസ്ഥാന സെക്രട്ടറി എം.കെ ദാസന്‍, വി .ജെ ജോയി, ടി.സി സുബ്രമണ്യന്‍, ഷാജഹാന്‍ അബ്ദുല്‍ ഖാദര്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.