അരീക്കോട്: റോഡരികില്‍ മാലിന്യം തള്ളി. ഊര്‍ങ്ങാട്ടിരിയിലെ തെഞ്ചേരി പാലോത്ത് ട്രാന്‍സ്‌ഫോര്‍മറിന് സമീപമാണ് റോഡരികില്‍ ചാക്കുകളിലാക്കി മാലിന്യം ഉപേക്ഷിച്ചത്. ഗ്രാമ പഞ്ചായത്തിന്റെ ശുചിത്വ കാംപയിനിന്റെ ഭാഗമായി വീടുകളിലെ മാലിന്യങ്ങള്‍ കൂട്ടിയിട്ടത് ഇവിടെയായിരുന്നു. ഇതെല്ലാം പഞ്ചായത്തിന്റെ നേതൃത്വത്തില്‍ കയറ്റി കൊണ്ട് പോയതിന്റെ ശേഷമാണ് ഇപ്പോള്‍ മാലിന്യം നിക്ഷേപിച്ചിരിക്കുന്നത്. ഈ പ്രദേശത്ത് രാത്രി കാലങ്ങളില്‍ മാലിന്യങ്ങള്‍ ചാക്കുകളിലാക്കി നിക്ഷേപിക്കുന്നതായി പരിസരവാസികള്‍ പറഞ്ഞു. സംഭവത്തില്‍ കുറ്റക്കാര്‍ക്കെതിരെ നടപടി എടുക്കണമെന്നാവശ്യപ്പെട്ട് പഞ്ചായത്ത് സെക്രട്ടറിക്കും ആരോഗ്യ വകുപ്പ് അധികൃതര്‍ക്കും നാട്ടുകാര്‍ പരാതി നല്‍കി.