ആലപ്പുഴ: ജൂലൈ മാസത്തില്‍ ബി.പി.എല്‍ കാര്‍ഡുടമകള്‍ക്ക് 25 കിലോ അരി സൗജന്യ നിരക്കിലും എട്ടു കിലോ ഗോതമ്പ് രണ്ടു രൂപ നിരക്കിലും ലഭിക്കും. എ.പി.എല്‍. (നോര്‍മല്‍) കാര്‍ഡുടമകള്‍ക്ക് എട്ടു കിലോ അരി 8.90 രൂപ നിരക്കില്‍ ലഭിക്കും. എ.പി.എല്‍ (എസ്) കാര്‍ഡുടമകള്‍ക്ക് എട്ടു കിലോ അരി രണ്ടു രൂപ നിരക്കിലും എ.പി.എല്‍ കാര്‍ഡുടമകള്‍ക്ക് മൂന്നു കിലോ ഗോതമ്പ് 6.70 രൂപ നിരക്കിലും എ.എ.വൈ കാര്‍ഡുടമകള്‍ക്ക് 35 കിലോ അരി സൗജന്യമായും ലഭിക്കും. അന്നപൂര്‍ണ കാര്‍ഡുടമകള്‍ക്ക് 10 കിലോ അരി സൗജന്യമായി ലഭിക്കും. വൈദ്യുതീകരിച്ച വീടുകള്‍ക്ക് ഒരു ലിറ്റര്‍ മണ്ണെണ്ണയും വൈദ്യുതീകരിക്കാത്ത വീടുകള്‍ക്ക് നാലു ലിറ്റര്‍ മണ്ണെണ്ണയും 17 രൂപ നിരക്കില്‍ ലഭിക്കും. എ.പി.എല്‍ കാര്‍ഡുടമകള്‍ക്ക്  രണ്ടു കിലോ ആട്ട 15 രൂപ നിരക്കില്‍ ലഭിക്കും. ബി.പി.എല്‍എ.എ.വൈ കാര്‍ഡുടമകള്‍ക്ക് പഞ്ചസാര 13.50 രൂപ നിരക്കില്‍ ഓരോ അംഗത്തിനും 400 ഗ്രാം വീതം ലഭിക്കും.